psk@kurdistan.nu
PSK PSK Bulten Komkar Komjin Roja Nû Weþan / Yayýn Arþiv Link Webmaster
Dengê Kurdistan
 PSK
PSK Bulten
 KOMKAR
Komjin
 Roja Nû
 Weþan/Yayýn
 Arþiv
 Link
Webmaster
 

Newroz li Bajarê Wuppertal bî coşek  mezin hat pîroz kirin

Konfederasyona Komeleyên Kurdistanê li Ewrûpa –KOMKAR.eu, li Bajarê Wuppertal Newroza 2011´an  dibin Şîara “Perwerda Zimanê Dayîkê, Mafekî Bingehîn yê mirovahîyê ye“ da, bî coşek  mezin pîroz kir!

Husoyê Emîn / Dema Nu - Wuppertal
Foto: Şahin Aydin

Salona Newrozê bi alên Kurdî û gelek perdeyên  reng-rengî ku bi, şiar û daxwazên Mafên çandî û Netewî hatibûn neqişkirin va xemilî bûn.

Wexta meriv dikete hundirê salonê; Aheng û Harmonîya di navbera perdeyên rengîn û xemlên Panoyên bi daxwazên Sîyasî û Netewî dardakiri wek Keskesorek ji Ewrên sayî da daketî dihat xuya û bîhnek fireh dixist dilên Mirovan.

Berîvan û Azad bi xêrhatîna beşdaran kirin û Şahîya Newrozê dest pêkir!

„Mêvanên hêja, xuşk û birayên delal, Welatparêzên dilsoz û hemwelatîyên kurd û dostên doza kurd û kurdistan’ê! Gelê Kurd îsal 2623 sale ku, cajna xwe ya netewî Newrozê, li Kutdistanê u seranserî cîhanê pîroz dike. Ev ji bo gelê me serbilindîyê ke dîrokî ye!

Ji bo wê em we hemuyan bi nave   Konfederasyona Komelên Kurdistan li Ewrupa-KOMKAR.eu yê bi dil û can silav dikim û dibêjin hun bi xêr û xweşî ser seran û ser çavan hatin.“

Şayanî gotinêye ku, ev helbest û silavname awayek domkirî, beş bi beş bi du Zimana(Kurdî-Almanî) dihat pêşkêş kirin. Her usa di navbera Dengên her du pêşkêşvan û Zimananda jî Ahang û Harmonîyek xweş diherikî!

Pêy silav xêr hatîne Li ser banga ji bo Qedir girtina Şehîd û cangorîyên Kûrd û kurdistanê Li ber surûda Netewî Ey Raqib girse ji bo Deqek rezgirtinê rabûn li ser Pîyan!

Dûra Koma Folklorê Ya rexistina Ciwanên kurd KOMCIWAN bi cil û bergên Netewî yên ren-rengî govendên hêrêmên kurdistanê yen cure-cure û her yek ji ya din xweşiktir, pêşkêşî bêşdarvanan kirin. Paşê ji Kêç û Xortên KOMCIWAN’ê skêçek li ser daxwaza perwerda Zimane Dayîkê pêşkêş kirin. Ev kar û xebatên Delal didin xuya kirin kû, Ciwanên Kurd di gel hemû problemên xwe yên sosyal û civakî li welatên lê dijîn,  xwedî li çand û folklore xwe derdikevin.  

Dûra Koma Hêvî derketin ser dîkayê(Sahnê). Koma Hevî bi deng û awazên xwe yên xweşik û Ciwan, tovên hezkirina ziman û kultura kurdî di dile keç û xortan da reşand.

Demek pîştî wê Hunermendê Ciwan Rojan Delyar beşek stranên xwe yê xweşik bi awazê Muzîkek hemdem û Nujen bi Zimanê Dayîka xwe, dilê keç û xortan geşkir. Ya rastî bi çepikan va xwe dida xuyakirin, kû Keç û Xort Muzika wî baş diecibandin!

Dawîya pêşkêşya Rojan dîsa Peyamên Mêvan û Bêşdarvana hatin pêşkêş kirin.

Dû wêra dîsa Hunermendekî Ciwan Zele Mele bi deng û awazê xwe demek xweşik bêşdaran da borandin.

Pey Beşdarîya Hunermend Mele Zele, Serokê KOMKAR eu, birêz Kovan Amedî Peyama xwe pêşkêşî beşdarvanan kir. Peyama birêz Amedî, bi rastî naverokek bi Têr û Tijî xemilî bû. Amedî di axaftina xwe de girîngî da çend  xalan  û usa got:  Di 27’ê meha Sibatê da li bajarê Düsseldorfê, Serokwezîrê Tirkîyê Birêz Recep Tayip Erdogan, di civînekêde li pêşberî kamêrayên televîzyonan, ji bo Tirkên li Almanyayê dijîn daxwaza perwerda zimanê Tirkî kir û di axaftina xweda usa got:”Asîmîlasyon sucek li dijî mirovatîyê ye, Mafê perwerda bi zimanê dayîkê, mafekî bingehîn ya mirovîye.” Eşhedûbîlla wusa ye, Erdogan rast dibêje, sîyaseta asîmîlasyonê sucek û guneheke mezin e.  Lê Erdogan vî mafî tenê ji bo çend mîlyon Tirkên Elmanyayê dixwaze. Ji avabuna Komara Tirkîyê heta îro li ser kurdan sîyasetek be hempa ya asîmîlasyonê tê ajotin. Heta doh jî, bi kurdî axaftin qedexe bû. Ger Erdogan di gotinên xweda samîmî be, dive daxwaza mafê perwerda bi zimanê Kurdî bi cîh bîne, û di zûtirîn wext da, bi gavên lezgîn guhertinên yasayî pêk bîne. Divê nasnameya Kurd , bi fermî bê naskirin û di yasya Tirkîyê de bê pejirandin û parastin. Divê neyê ji bîr kirin ku, heta Kurd ne azad bin û di nav huzûrê de nejîn, li Tirkîyê jî huzûr çê nabe.

Her usa Amedî îşaret bi nebûna yekitiya Kurdan kir û axaxaftina xwe usa domand:”   Kurd, bi hezaran sal in li Kurdistanê li ser axa bav û kalan dijîn, yek ji wan herî kevntirîn milletê heremê ne.  Ne yek in, ne hezar in, bi milyonan in, îro tenê li Bakurê Kurdistanê 30 milyon Kurd hene. Kurd, bi ziman, bi kultur, bi kevneşopiyên xwe îro bi milyonan in.  Loma jî, mafê milletê Kurd e ku bi ziman, bi kultur, bi nasnama xwe, wek hemû milletên dinyê, li ser axa xwe azad bijî.

Lê tiştekî me Kurdan kêm e, ew jî tifaqa me ye, yekitîya hêzên siyasî yên Kurdan e, yekitîya dem û dezgeh û hêzên demokratîk yên Kurdan e. Ji bo ku Kurd bikaribin Yekitiya xwe çê bikin, divê bi hevre aş û ji bo pêkanîna Yekitiyê, divê hewil bidin ku aşîtiya nav ya Kurdan pêk bê. 

Birêz Amadî, di derheqa çewsan din û Tehdîdên kû li ser Sîyasetmedar, Rewşenbîr û Hunermendên Kurdan kû di rojeva tirkîyê û Kurdan da ye jî weha axivî:

Van rojên dawî li dijî  nivîskar,şaîr û siyasetmedar birêz Kemal Burkay û hunermedê hêja Şivan Perwer û li gelek rewşenbîrên din gotinên erîşkar tê kirin. Bila her kes vî ya usa bianin ku KOMKAR.eu, bi tu erîşkariyên li ser Sîyasetmedar, Rewşenbîr û Hunermendên Kurd   qebûl nake, erîşên tehdîtkar mehkûm dikin. Kemal Burkay, Şivan Perwer, hêjayîyên mene. Emê her tim xwedî li wan derkevin. Ji we û ji gelê Kurd jî daxwaz dikim ku xwedî li hêjayîtên xwe derkevin berî ku dereng nebe!” 

Piştî pêşkêşkirina peyama birêz Amedî, hunermendê heja û hizkirî Xêro Abbas cîhê xwe di   sahnê da girt. Her stranek hunermend Xêro Abbas ji ya din xweştir bû. Xêro bi bi stranên xwe beşdaran rakiribû  ser pîyan, bi al û kincên netewî, keç û xort li ber sehnê civiyabûn, hem govend digirtin û hem jî bi Xêro ra distiran. Hela Strana rehmetyê Mihemed Şêxo ya Ay lê Gulê, Hunermend û beşdarvanan bi ahengek pir rengîn bi hevra stranan gotin.

Piştî programa Hunermend Xêro Abbas Peyamên Hizb û Partîyên Kurd hatin pêşkêş kirin;

Peyama PDK-Başur Birêz Hosam Hoşkanî, ya PDK-Î(Rojava) Birêz Mehdî Fetehî, ya PPDK-Surî Mistefa Tofîq, ya PAK-Î(Partîya Azadya Kurdistan) Birêz Bîyan Zibarî û ya PÎK-Bakur Birêz Hîkmet Serbilind bi zindî pêşkêşî beşdaran kirin.   Zehra Topgiderê Peyama KOMJIN’ê pêşkêş kir. Peyama DIE LINKE siyasetmedar Yasîn Kut pêşkeş kir.

Serokwezîrê Eyaleta Bakûrê Elmanya  Hannoelore Kraft, Wezîrê Kar û Întegrasyonê ya Eyaleta Bakur Guntram Schneider, li ser navê Partiya Çep DIE LINKE parlamerter yê Eyaleta Bakur Alî Atalan, Berpirsê Karên Întegrasyon û Ciwanan li Şaredariya Wuppertaê Dr. Steran Kühn, Sizasetmedar Feleknas Uca, Nivîskar Riza Çolpan, dostê Kurdan avukat Stephan Urbach, li ser navê DFG-VK Joachim Schramm, serokê Federasyona Ciwanên Elman li Ewrûpa Thomas Hoffman, serokê Encûmena Niştîmaniya Kurdistanê li Surî Dr. Şêrko Ebbas, Serokê Navend ji bo Lêkonlînên Kurdî NAVEND Metîn Încesu, KOMCIWAN-ELMANYA Li ser navê Komeleyên Çira Newzat Karakeçi, Serokê Komeleya Nivîskarên Kurd li Taxa Duhokê, Liqa Jinan yê HAK-PARê, û gelek nûnerên rêxistina û kesayetiyên Kurd beşdarî şahîya Newrozê bûbûn.  

Dû van Peyaman, Hunermanda çeleng û dengxweş Fatê Ala hunera netewî ji destê Xêro Abbas girt û bêşdarvan ji Başurê piçuk Hilda bir û çû ware Xecê û Siyabendê Silîvî, li ser çiyayê Sîpanê Xelat û behra Wanê gerand.

Pêy beşdariya hunermend Fatê Peyamên Sekreterê Partîya Sosyalîst a Kurdistan Birêz Mesud Tek û Sekreterê berê, sîyasetmedar, ronakbîr û helbestvanê rêzdar Kemal Burkay hate xwendin. 

Sekreterê PSK´ê di peyama xwe de usa got: ”  Herwekî ji bo me hemu eyan e Newroz her usa sembola yêkitî û berxwedan e, mizgîniya serketinê ye.  Werin, em di Newroza 2611’ê da, refên xebata xwe ya azadî û bexteweriyê rêk û pêktir bikin;

Werin em xebata sîvîl, aşitîxwaz û şiveyên din yên serdemî bikine hevîna berxwedana xwe,

Werin ji bona bi dest xistina mafen xwe yên demokratîk û netewî, ji bona jiyaneka azad û bextewar milên xwe bidine hev, kar û xebate bikin, daku bikarin mizgîniya serketinê, mizgîniya Kurdistana azad û demokratê bidine şehidên xwe.“

BirêzKemal Burkay jî, di peyama xweda bi pasindarî qala kar û xebatên KOMKAR’ê dikir û Newroza wan pîroz dikir û Hêvîyên xwe yên ji bo Tekoşînek daha  xurttir bo rojênAzadya gelê Kurd tanî Ziman û weha berdewam dikir; Va ye pêl û bayê Azadîyê li Afrîka Bakûr û Erebistanê jî dixe, welatên Misilman dikelin.Eva xebereka xwes e. Dîktator û kevnesazîyên herêmê dilerizin û diruxên bin erdê ra war dibin. Xuyaye bayê guhertinê dereng be jî li derîyê Rojhilata navîn dixe û salên bên bi gelek surprîzan tije ne. Divê em hevîdar bin.

Hevalno, Newroza we û ya temamîya gelê Kurd pîroz be!

Piştî xwendina peyamên Mesud Tek û Kemal Burkay Girsê sloganên Bijî Azadya Kurdistan avetin.

Pêy Xwendina herdu peyaman cîgîrê serokê giştî yê Partîya Maf û Azadîyan(HAK-PAR) birêz Hasan Dagtekîn peyama partîya xwe pêşkeş kir. Birêz Dagtekîn,  li gel silav û Hurmetan, di derheqa Kar û Xebatên partîya xwe, bîr hizrên xwe û Partîya xwe di derheqa bûyer û qewumandinên rojeva li Tirkîyê û Kurdistanê de, bi beşdaran ve par vekir û Agahîyên giran buha da beşdaran.

Piştî Peyaman, dor hatibû dora Hunermandê Kurd yê navdar birêz Şivan Perwer. Pêşkêşvanên Newrozê bi vî awayî bangî Şivan  kirin ji bo Sahnê: Roj hat Pêşmergeyên qehreman û lehengên Kurd, bi dengê wî, bê narkoz dil û laşên xwe, canê şirîn dane ber kêr û guzanan. Bi awazên wî, hestên welatperweri û Şoreşgeri di dilê hezaran Kurdan da wek gulan bişkivîn. Roj hat têla Tembura wî wek volkan, mîna dînamêt di dilê dijmin da teqîya.

Tu bi xêr û xweşî, li ser seran û ser çavan hatî, hozanê gelê Kurdistan Şivan Perwer!

Bi rastî jî bi hatina Şivan coşa Newroz Şahîyê û beşdarvanan gîhîştibû Asta herî bilind. Şivan wek herdem Beşdarvanan bi stranên xwe yên Niştiman û Welatperwerî li seran serî Kurdistanê digerand. Geh li serê çîyayê agirî bû, geh li Koyê Dersim. Geh li Mahabad ê bû, geh li Dihoka rengin, geh li Gerdûna penaberyê bû. Ew û stran û Gel gîhîştibûn hev

Bi wî awayi jî, destê beşdarvanan ji Şivan û ji şahîyê ne dibû. Bi wi avayî Newrozek geş û serketiji di qedîya!

 

 
   
Dengê Kurdistan © 2011