|
BANG a Platforma Kurdên Li Ewrûpayê
Ji boYekitiya Ewrûpayê
û Komara Tirkiyeyê
(Stockholm, 2004-03-07)
Miletê Kurd, yek ji neteweyên herî kevn û mezin
yê Rojhilata Navîn e. Weke hemû neteweyan, mafê
kurdan jî heye ku qedera xwe bi destê xwe û bi azadî
tayîn bikin; li ser axa xwe serbest û azad bijîn
û îdareya welatê xwe bi destê xwe birêve bibin.
Îroj, hejmara kurdan ya li tevahîya Kurdistanê
ji 35 mîlyonan zêdetir e. Bi tenê li Dewleta Komara
Tirkîyeyê (KT) ji % 30 yê nifûsê kurd in. Di hundirê
sînorên Yekîtîya Ewrûpayê (YE) de nêzïkî milyonek
kurd dijîn.
Tu miletî weke kurdan êş û azar ji destê
terorê nekişandiye. Heta ku kurd mafên xwe
yên neteweyî û demokratîk bidest nexînin, ne li
Kurdistanê, ne li welatên dagirkerên Kurdistanê
(Tirkiye, Îran, Iraq û Sûriye) û ne jî li Rojhilata
Navîn aştî, aramî û demokrasî pêk nayê.
Divê dewletên Yekîtîya Ewrûpayê, li ser çareserkirina
pirsa kurd û Kurdistanê rawestin û piştgirîya
hêzên kurdan bikin da ku çareserîyeke rewa û daîmî
ya ku ji alîyê kurdan ve bê qebûlkirin, derkeve
holê. Pirs, bi tenê bi "însafa" dewletên
dagirkerên Kurdistanê ve neyê hiştin.
Di pêvajoya berendametiya KTyê de, divê Yekitiya
Ewrûpayê daxwaz û armancên kurdan jî bide ber çavên
xwe.
Avabûna KTyê, li ser bingehên înkar û jiholêrakirina
kurdan pêk hatîye. Ev xusûsîyeta KTyê ji roja avabûyînê
heta îroj, bi sîyaseteke ku li ser bingehên qedexe,
înkar û bi her awayî pêşîlêgirtina hebûn û
pêşdeçûyîna kurdan ve avabûye, hatîye birêvebirin.
Ev sîyaset îroj jî li KTyê serdest e.
Platforma Kurdên Li Ewrûpayê (PLATFORM), di wê
bawerîyê deye ku, muzakereyên di pêvajoya berendametiya
KTyê û danûstendinên wê yên bi YEyê re, li ser rewş
û pêşeroja kurdan jî xwedîyê tesîreke mezin,
girîng û pirralî ye. Li gel vê yekê jî kurd bi îradeya
xwe ya sîyasî û azad weke xwedîyê dozê û teref di
vê pêvajoyê de cîhên xwe nagirin. Dive kurd,
di pirsa kurd û tesbîtkirina statuya Kurdistanê
de xwedî peyv û desthilat bin.
Loma jî, di pêvajoya çareserîyeke rewa ji bo pirsa
kurd û Kurdistanê de, van daxwazên li jêrîn, şertên
herî kêm in ku divê berîya destpêkirina muzakereyên
endamtîyê di navbera KTyê û YEyê de, ji bo bicîhanînê
ji KTyê bên xwestin û YEyê jî bibe çavdêr û garantorê
vê yekê.
Daxwazên kurdan û guherandinên pêwîst yên di
qanûnaesasî (destûr) ya Dewleta Komara Tirkiyeyê
(KT) de:
NASNAME
Li KTyê, kurd bi nasnameyê xwe ve nayên naskirin.
Hebûna kurdan wek netewe, gel, yan jî grûb heta
îro bi awayekî resmî nehatiye binavkirin. Divê nasnameya
kurdan ya neteweyî û hemû maf û azadîyên ku bi vê
nasnameyê ve girêdayî ne, di qanûnaesasî ya KTyê
de weke mafên kollektîf bên bicîhkirin û garantîkirin.
KTyê, bi eksê vê heta niha xwestiye bi zext û
zorê tesîrê li YEyê bike da ku vê rastîyê bi tu
awayî bi zimanekî resmî neîne holê. Zext û dekûdolabên
KTyê heta radeyekê jî encam daye û YEyê û dewletên
di nav de, bêjeyên kurd, kurdî û Kurdistan
yan qet bikarnînin yan jî gelek kêm bikartînînin.
Divê nasnameya kurd, zimanê kurdî û welatê
kurdan Kurdistan di qanûnaesasî (destûr) ya KTyê
de bê cîhkirin û garantîkirin. Divê hemû maddeyên
îdeolojîk û fanatik yên ku di qanûnaesasî ya KTyê
de hene werin derxistin û qanûnaesasîyeke nûh û
demokratïk bê amadekirin. Divê enstîtûtîyeke taybetî
ji bo parastin û bipêşdexistina zimanê kurdî
were damezrandin. Divê Komara Dewleta Tirkîyeyê,
ji bicîhanîna van erkan berpirsîyar (mukellef) be.
STATUYA ZIMANÊ KURDÎ Û MAFÊN PERWERDEKIRINÊ
Zimanê kurdî wek zimanê tirkî divê bibe xwedî
statuyeke resmî. KTyê divê ji bo pêşveçûn û
parastina zimanê kurdî bernameyeke taybetî bide
pêşîya xwe.
Bi alîkarîya aborî ya YEyê û di bin çavdêrîya
Rêxistinên Civakî yên Sivîl /(NGO=Rêxistinên Nehukumetî)
yên kurdan zimanê kurdî wek zimanekî perwerdeyê
were bikaranîn. Mamosteyên zimanê kurdî werin perwerdekirin.
Divê di vê hazirîyê de, bikaranîna bîr û bawerîyên
îdeolojîk û nîjadperest neyên bikaranîn û di warê
naverokê de mudaxuleya dewletê qet nebe. Heta ku
endametîya resmî ya KTyê ji terefê YEyê ve bê qebûlkirin,
divê her hemwelatî bi zimanê xwe yê dayikê di hemû
sewiyeyan de, ji sinifa destpêkê û heta dawîya xwendina
bilind, bibe xwedîyê mafên xwendin û perwerdeyê.
Divê her dê û bavên kurd bikaribin li gora daxwazên
xwe zarokên xwe bişînin xwendin û xwendegehên
kurdî.
Divê enstîtûtîyeke taybetî ji bo parastin
û bipêşdexistina zimanê kurdî were damezrandin.
Divê Komara Dewleta Tirkîyeyê, ji bicîhanîna van
erkan berpirsîyar (mukellef) be.
NAVÊN KURDÎ
KTyê bi zanîn navên zarok, gund, bajar, xwezayê
û hwd. ji eslê xwe yên kevn guherandine, kirine
tirkî.
Divê hemû ew guherandinênku bûnin di bin
çavdêrîya YEyê û Rêxistinên Civakî yên Sivîl / (
NGO=Rêxistinên Nehukumetî) yên kurdî ve vegerin
ser navên xwe yên eslî yên berê. Hemû kirinên nîjadperest
yên KTyê ku beriya nuha kirîye, werin serrast kirin.
MAFÊN AZADÎYA FIKIRÎNÊ, XWEÎFADEKIRINÊ Û XWEBIRÊXISTINKIRINÊ
Ji destpêka damezrandina KTyê heta îroj mafên
azadîya fikirînê, xweîfadekirinê û xwebirêxistinkirinê,
bi qanûnan hatiye qedexekirin. Bi hezaran kes ji
ber wan qanûnan ceza xwarine û hatine îşkence
û hepskirin. Ev rewş di gel hin guherandinên
biçûk hîn jî, dom dike. Di pêvajoya hazirîya berendametîya
KTyê de divê hemû cûre asteng û qedexeyên ku bi
rêya qanûnan li ser mafên azadiya fikirînê, xweîfadekirinê
û xwebirêxistinkirinê hene, bên rakirin. divê qedexeyên
li ser azadîya fikirî û mafên rêxistinî werin rakirin.
Azadîya fikir û serbestîya damezrandina
rêxistinên sîvîl, demokratîk û sîyasî binasnameya
kurdî divê wek mafên bingehîn di qanûnaesasîya KTyê
de bên bicîhkirin û garantîkirin. Herweha, divê
qedexeyên ku heta îroj jî li ser mafên axaftin û
propagandaya sîyasî ya bi zimanê kurdî hene, werin
rakirin.
PEYMANÊN NAVNETEWEYÎ Û KONVENSÎYONÊN KU KTyê ÎMZE
KİRİNE Û SÎSTEMA DADWERÎYÊ Û HUQÛQÊ
Sîstema dadwerîyê û huqûqê divê ji binî ve li
gor normên YEyê were guherandin. Divê di pêvajoya
dadwerîyê de zimanê kurdî û tirkî bi alîkarîya tercumanan
bête bikaranîn.
Divê KTyê hemû şerh û şertên
xwe yên ku ji bona pêşîlêgirtina maf û azadîyên
gelê kurd, danîne ser peyman û konvensîyonên navneteweyî,
rabike û pêwîstîyên pîvanên wan peymanan û konvensîyonan
bi tevahî bicîh bîne.
Weşan û çapemenî
Divê hemû weşanên çapemenî û ragîhandinê
yên weke weşanên TRTyê, ji bernameyên zarokan
bigre heta bernameyên li ser ziman, kultur, dîrok,
nûçe û magazînan çawa bi zimanê tirkî amade dibin,
herweha bi zimanê kurdî jî amade bibin.
Divê her du ziman bi awayekî sîstematîk û fermî
werin bikaranîn. Divê alîkarî û teşwîqên aborî
ji bo rojname, çapkirin û weşandina pirtûkên
zarok û mezinan yên bi zimanê kurdî werinkirin.
Divê ev kar di bin çavdêrîya YEyê û Rêxistinên Civakî
yên Sivîl /(NGO) yên kurdî de bên meşandin.
Rewşa penaberan û mafê vegerê
Tazmînata aborî
Kesên ku dixwazin vegerin warên bav û kalên xwe
divê ku ji alîyê YEyê, NGO yên kurdî û dezgehên
KTyê ve bên tesbît kirin û ji alîyê aborî ve werin
destekkirin. Di bin kontrola YEyê de hemû gund
û dewerên ku hatine wêrankirin, berîya ku xelq vegerin
cîhên xwe, divê bên avakirin. Di bin çavderîya YEyê,
NGO yên kurdî û dezgehên dewletî yên KTyê de divê
bernameyeke avakirinê û xebatê were amadekirin.
Navên gundên ku bi zorûzulmê hatine valakirin, kes
yan malbatên ku ji mal û erdên xwe hatine nefîkirin
divê bi awayeke resmî werin tesbîtkirin û bi awayekî
fermî zerar û ziyana wan li wan bê wergerandin.
Komara Dewleta Tirkiyeyê di
bin kontrola YEyê û NGO yên kurdî ji bicîhanîna
van erkan berpirsiyar(mukellef) e.
Ferqîyeta di navbera herêmên tirk û kurd de
KTyê ji despêkê û heta nuha ji bo pêşveçûna
herêmên kurdî weke herêmên rojava yên Tirkiyeyê
ji bo avakirin û bipêşxistina herêmên Kurdistanê
bi zanebûn tu xebat û projeyên berbiçav pêk neanîye.
Di navbera herdu herêman de ferqîyeteke pirr mezin
heye.
Divê YEyê û KTyê, ji bo bipêşdexistina
herêmên Kurdistanê bernameyeke taybetî amade bike
û bi lez derxe pêş.
Bernameyeke taybetî ji bo mafên zarokan û jinan
Li KTyê û Kurdistanê zarok û jinên kurd du beşên
civatê ne ku di bin sîstema asîmîlasyonê de herî
zêde zerar dîtinin hîna jî dibînin. Zarokên kurd
ji ber asîmîlasyon û bêxwedîtîyê her demê di bin
rewşeke xirab de bûne. Gelek zarok û jin ji
ber neçarî û bêalîkarîya dezgehên resmî yên dewletê
bûne qurbana sîstemê û xwe di bazara laşêxwefirotinê
de dîtin e. Herweha gelek zarok ketine nav sîstema
krîmînalîteyê. Bi hezaran jinên kurd di bin zordestîyeke
mezin de ne û hinek ji wana bi rêya xwe kuştinê
dawî li jiyana xwe anîn e.
Pêwîstîya zarok û jinên kurd bi bernameyeke
alîkarîya taybetî heye. Ev kar û xebat divê di bin
kontrola YEyê, bi beşdarîya NGO yên kurdî û
rêxistinên taybetî yên zarok û jinan de were meşandin.
Rewşa aborî:
Divê ji alîkarîya aborî ya ku ji terefê YEyê ve
ji bo hazirîya berendametîya KTyê hatiye qebûl kirin,
beşek ji vê alîkariyê li gor hejmara kurdan,
ji bo bipêşxistina heremên Kurdistanê, zimanê
kurdî,xwendin û perwerdeya bi kurdî û ji bo bi serbestî
vegera penaberan were serf kirin. Ev
alîkarî divê di bin çavdêrîya NGO yên kurdî û yên
Ewrûpayî de were serf kirin.
Bernameya xebatê ji bo çareserkirina pirsa
kurd û Kurdistanê
YEyê divê ji bo çareserkirina pirsa kurd û Kurdistanê
û ji bo bicîhanîna xal û karên li jor hatîye dîyarkirin,
bernameyeke berfireh ya xebatê ya ku teqwîma wê
tesbîtkirî amade bike. Divê di vê bernamê de cîhekî
taybetî ji bo hazirkirina civata kurd ji boYEyê
hebe.
Rêya mekanizmayên beşdarîya muzakereyan ji
bo beşdarbûna Kurdan
Di gel ku hejmara kurdan li KTyê ji siseya yek
ya nifûsa tevahîyêye jî, kurd di pêvajoya muzakereyên
YEyê û KTyê de ne xwedî gotin û statuyeke fermîne.
Di muzakereyên ku heta îroj pêk hatine kurd weke
teref beşdar nebûnin. Delegasyonên KTyê wek
temsîlkarê tirkan û kurdan xwe nîşan daye û
didin. Divê YEyê, ji bona ku kurd di pêvajoya pêywendî
û muzakereyên li gel KTyê tên meşandin de bikaribin
beşdarî muzakereyan bibin pêwîst e rêya mekanizmayên
beşdarîyê ji bo kurdan bên vekirin û dîtin.
Divê heta tarîx dayîna ji bo muzakereyan
bi KTyê re di bin berpirsîyarîya YEyê de dezgeheke
çavdêrîyê ya ji Rêxistinên Civakî yên Sivîl / NGO
yên kurdî û Ewrûpayî pêkhatî bê avakirin. Ji bo
ku di vê pêvajoyê de neheqî li kurdan neyêkirin
û di muzakereyan de kurd weke teref beşdarî
muzakereyan bibin rêya mekanizmayên beşdarbûyînê
ji bo kurdan bên dîtin.
Kurdên li Ewrûpayê
Nêzîkî mîlyonek kurd li
seranserê Ewrûpayê weke kurd û ewrûpayî dijîn. Îro
jî bi hezaran kurd ji ber zilm û zordariya dagirkeran
berê xwe didine Ewrûpayê. Maf û berpirsiyariyên
kurdên li Ewrûpayê wek kurd û ewrûpayî hene.
Pirsa kurd, bi tevahî û bi hemû pirs û pirsgirêkên
xwe ve, êdî bûye pirsa Yekitiya Ewrûpayê.
Pirsên civakî û pêvajoya entegrasiyonê ya kurdên
li Ewrûpayê
Bicîhbûna kurdan li Ewrûpayê, li gelek welatan
gelek pirs û pirsgirêkên nuh di nav civata kurdan
de derketin holê. Pirsên civakî; yên weke nakokîya
nav nifşan, newekehevîya kulturî, problemên
mihaciriyê û astengên entegrasiyonê yên li welatên
cûrbecûr yên YEyê bi serê xwe serêşyake mezin
e û divê bi rengekî bê çareserkirin. Di pirsa entegrasîyonê
ya herî girîngtirîn ji bo kurdan ewe ku kurd bi
nasnameya xwe ya kurdî bên qebûl û naskirin.
Pirsên penaberên kurd
Ji ber gelek sebeban bi hezaran pênaberên kurd,
nemaze ji Kurdistana Başûr (Iraq) berê xwe
dane welatên Ewrûpayê. Pirsa penaberên kurd îroj
yek ji pirsên herî girîng ya YEyê. Divê bi awayekî
mirovayî û rewa bê çareserkirin.
Divê YEyê; ji ber ku kurd ne azad û xwedî dewletek
serbixwenin ji bo çareserkirina vê pirs û rewşê
xwedî înîsîyatîfeke taybetî be.
Di jiyana sîyasî û demokratîk de beşdarîya
kurdan
Destpêka dîroka kurdên li Ewrûpayê digihêje berîya
30-40 salan. Ji ber sebebên sîyasî, aborî û zulmûzora
dagirkerên Kurdistanê bi sedhezaran kurd mecbûr
manin welatê xwe terk bikin û berê xwe bidin welatên
cûrbecûr yên Ewrûpayê. Jîyana di surgûnîyê de çend
neslên kurdan bi perwerdeyeke yên wan welatan mezin
kir. Ji ber rewşa li welêt û rewşa taybetî
ya kurdan nifşên nuh ku li Ewrûpayê mezin dibin,
di nava xebata sîyasî,civakî, demokratîk de bi aktîfî
cîhe xwe digrin . Îroj di parlamanên gelek welatan
yan jî di Parlamana YEyê de hejmareke berbiçav ya
kurdan henin. Wek nûnerên partîyên welatên lê dijîn
hatinin hilbijartin û xebatên xwe yên sîyasî didomînin.
Jiyana rêxistinî ya kurdan li Ewrûpayê gelek dewlemend
e. Bi sedan rêxistinên sivîl û demokratîk bi awayekî
gelek aktîf ji bo piştgirîya welatê xwe û herweha
ji bo pêvajoya entegrebûna bi civatên ku tê de bi
hevre dijîn û li hemû welatên YEyê de roleke girîng
dilîzin. Divê YEyê ji hemû reng û cûreyên rêxistinî
yên kurdî re bibe alîkar da ku kurd jî weke herkesî
xwedî maf û azadîyên însanî û sîyasî bin.
Divê li hemû welatên YEyê de mafên kulturî
û kêmneteweyî ji kurda re bê naskirin. Li civata
kurd ya li welatên YEyê de dijîn weke civateke ku
di cîhana nuha de ne xwedî dewleteke serbixweye
bên nihêrîn û alikarî û dostanî di vê çerçovê de
bi kurda re bê kirin.
Hevkarî di navbera rêxistinên Kurdan de li
Ewrûpayê
Platforma Kurdên li Ewrûpayê - PLATFORM,
ji nûnerên sê beşên civata kurd;
1. Plattforma
Neteweyî ya Kurdistana Bakur - PNK-Bakur,
2. Însîyatîfên
Kurdên li Ewrupayê - ÎNSÎYATÎF,
3. Koordinasyona
Demokratîk a Kurdên li Ewrupayê - DEM-KURD
ve di 20-21.07.2002a de li Swêdê li bajarê Stockholmê
hate damezrandin.
Bİ KURTÎ DAXWAZÊN KURDAN
Daxwazên kurdan ji YEyê, KTyê û guherandinên pêwîst
yên di qanûnaesasî (destûr) ya Dewleta Komara Tirkiyeyê
(KT) de:
1. Divê heta tarîx
dayîna ji bo muzakereyan bi KTyê re di bin berpirsîyarîya
YEyê de dezgeheke çavdêrîyê ya ji Rêxistinên Civakî
yên Sivîl / NGO yên kurdî û Ewrûpayî pêkhatî bê
avakirin. Ji bo ku di vê pêvajoyê de neheqî li kurdan
neyêkirin û di muzakereyan de kurd weke teref beşdarî
muzakereyan bibin rêya mekanizmayên beşdarbûyînê
ji bo kurdan bên dîtin.
2. Pêwîstîya zarok
û jinên kurd bi bernameyeke alîkarîya taybetî heye.
Ev kar û xebat divê di bin kontrola YEyê, bi beşdarîya
NGO yên kurdî û rêxistinên taybetî yên zarok û jinan
de were meşandin.
3. Divê YEyê û
KTyê, ji bo bipêşdexistina herêmên Kurdistanê
bernameyeke taybetî amade bike û bi lez derxe pêş.
4. Azadîya fikir
û serbestîya damezrandina rêxistinên sîvîl, demokratîk
û sîyasî binasnameya kurdî divê wek mafên bingehîn
di qanûnaesasîya KTyê de bên bicîhkirin û garantîkirin.
5. Herweha, divê
qedexeyên ku heta îroj jî li ser mafên axaftin û
propagandaya sîyasî ya bi zimanê kurdî hene, werin
rakirin.
6. Divê hemû ew
guherandinênku bûnin di bin çavdêrîya YEyê û Rêxistinên
Civakî yên Sivîl / ( NGO=Rêxistinên Nehukumetî)
yên kurdî ve vegerin ser navên xwe yên eslî yên
berê. Hemû kirinên nîjadperest yên KTyê ku beriya
nuha kirîye, werin serrast kirin.
7. Pêwîstîya zarok
û jinên kurd bi bernameyeke alîkarîya taybetî heye.
Ev kar û xebat divê di bin kontrola YEyê, bi beşdarîya
NGO yên kurdî û rêxistinên taybetî yên zarok û jinan
de were meşandin.
8. Divê enstîtûtîyeke
taybetî ji bo parastin û bipêşdexistina zimanê
kurdî were damezrandin. Divê Komara Dewleta Tirkîyeyê,
ji bicîhanîna van erkan berpirsîyar (mukellef) be.
9. Divê nasnameya
kurd, zimanê kurdî û welatê kurdan Kurdistan di
qanûnaesasî (destûr) ya KTyê de bê cîhkirin û garantîkirin.
Divê hemû maddeyên îdeolojîk û fanatik yên ku di
qanûnaesasî ya KTyê de hene werin derxistin û qanûnaesasîyeke
nûh û demokratïk bê amadekirin. Divê enstîtûtîyeke
taybetî ji bo parastin û bipêşdexistina zimanê
kurdî were damezrandin. Divê Komara Dewleta Tirkîyeyê,
ji bicîhanîna van erkan berpirsîyar (mukellef) be.
10.
Divê li hemû welatên YEyê de mafên kulturî
û kêmneteweyî ji kurda re bê naskirin. Li civata
kurd ya li welatên YEyê de dijîn weke civateke ku
di cîhana nuha de ne xwedî dewleteke serbixweye
bên nihêrîn û alikarî û dostanî di vê çerçovê de
bi kurda re bê kirin.
11.
Divê rewşa xas a li Kurdistanê nemîne.
Dezgehên şer û terorê yên wek kontrgerila,
JITEM, tîmên taybetî û sîstema ”parêzgerên gundan”
bên belavkirin.
12.
Divê Konseya Ewlekariya Neteweyî û hemû
dezgehên di ser qanûna esasî û yasayên bingehîn
re ne bên belavkirin.
13.
Divê pêwîstiyên peymanên navneteweyî yên
bi pirsa Kurd û Kurdistanê ve girêdayî bi cih bên.
da ku Miletê Kurd li ser pêşeroja xwe û welatê
xwe bi îradeya xwe ya azad biryarê bide.
14.
Divê kurdên ku di dema şer û îdareya
awarte ya li KTyê de bi awayên cuda mexdûr bûne
û ku bi darê zorê ji gund û bajarên xwe hatine derxistin
û mal û warên wan hatine wêrankirin û şewitandin
karibin bi serbestî vegerin cîhên xwe. Herweha
cîh û warên wan ji nuh ve bên avakirin û hemû deverên
Kurdistanê yên mayinkirî ji mayinan bêne paqijkirin,zerarên
li ser jîngeha Kurdistanê bûye bê sererastkirin.
Divê kurd karibin bi serbestî vegerin cih û warên
bav û kalên xwe û herweha divê zerar û ziyana wan
li wan bêne vegerandin.
15.
Divê hemû girtîyên siyasî û fikrî bê qeyd
û şert bêne berdan, siyasîyên li derveyî welêt
bikaribin vegerin welatê xwe.
16.
Divê dewleta Tirkiyeyê, bê qeyd û şerd dev
ji destdirêjkirin û tehdîdkirina Başûrê Kurdistanê(Iraq)
berde.
Em weke Platforma Kurdên li Ewrûpayê - Platform
bangî rêxistina Neteweyên Yekbûyî (NY), Rêxistina
Ewleyî û Hevkarîya Ewrûpayê (REHE) û bangî hemû
rêxistinên navneteweyî dikin ku pirsa kurd û Kurdistanê
di rojeva xwe de bi cih bikin û herweha ji bo çareseriya
vê pirsê bixebitin. Em dixwazin dengê xwe bigihînin
Yekîtiya Ewrûpayê ku rê nede Komara Tirkiyeyê da
ku normên Yekîtiya Ewrûpayê (YE) dejenere bike.
Heta ku Komara Tirkiyeyê bi rêyên aştiyê ji
bo çareseriya pirsa kurdî gavan neavêje; divê Yekîtiya
Ewrûpayê alîkariya xwe ya siyasî, leşkerî û
aborî de bi hesasiyet be.
KOMÎTA RÊVEBIR YA
PLATFORM
PLATFORMA KURDÊN Lİ EWRÛPAYÊ
PNK - Bakur:
Partiya Azadî Demokrasî ya Kurdistanê - PADEK,
Partîya Îslami ya Kurdistanê - PIK, Partiya Sosyalist
ya Kurdistanê - PSK, Rêxistina Sosyalist û Demokratik
ya Kurdistanê - RSDK, Partiya Rizgarîya Kurdistan
- PRK-Rizgarî
ÎKE - ÎNSÎYATÎF:
İnsîyatîfa Kurdên Almaniya-, İnsîyatîfa
Kurdên Avusturya, İnsîyatîfa Kurdên Danimarka,
İnsîyatîfa Kurdên Fransa, İnsîyatîfa Kurdên
Hollanda, İnsîyatîfa Kurdên Ingiltere, İnsîyatîfa
Kurdên li Swêdê, İnsîyatîfa Kurdên Swisre.
DEM – KURD:
Civata Kurd (Giessen) , Civata Kurd li Elmanya
(Koln), Dengê Kurdan li Duisburgê , Hevkar-Elmanya,
IVK (Mainz) Komela Navnetewi ya ji bo Mafên Mirov
li Kurdistan (Elmanya), Yekitîya Komelên Kurdistan-KOMKAR(Elmanya)
FKKS Federasyona Komeleyên Kurdistanê li Swêdê,
Kitêbxaneya Kurdî li Stockholmê, Komela Kurdistan
li Belçîka, Komela Çanda Karkerên Kurdistan-KOÇ-KAK,
Komela Karkeren Kurdistan -Avusturya, Komela Karkeren
Kurdistan- Danîmarqa, Komela Karkeren Kurdistan
Swîsra, Mala Kurd li Frensa, Kurdish Advice Centre
(Brîtanya Mezin), XOYBÛN-Berlin, XOYBÛN-Danîmerqa,
Yêkitiya Karkerên Kurdistan li Holland, )
Ji bo têkilîyê:
FKKS, Federasyona Komeleyên Kurdistanê li
Swêdê
Box 5013
131 05 Nacka
Tel: 0046-8-644 66 22
Fax: 0046-8-650 21 20
info@kurdiskarf.org
|
