Mela Mistefa Barzanî hat bibîranîn

Bi mebesta 32emîn salvegera koça dawîn ya Serok Mela Mistafa Barzanî, merasîmek li ber gora wî hate lidarxistin.

Dengê Azad/Barzan

Wekî her sal, îsal jî bi hezaran kes ji bo bibîranîna serokê nemir yê gelê Kurd Mela Mistefa Barzanî hatin gora wî û wefadariya xwe ji bo xebat û fedakariya Mela Mistefa Barzani nîşan dan.

Merasîma bîranîna fermî Mela Mistefa Barzanî, bi axaftina Komîteya Amadekariya Merasîmê destpêkir. Paşê, gotara xelkê devera Barzan hate xwendin û piştê wê jî gotara Pêşmergeyên Hêza Barzan û rêxistinên nehikmî ya devera Barzan hate xwendin.

Merasîm bi xwendina çend helbestên ku li ser Barzanî û xebata wî hatiye nivîsîn, bi dawî hat.

Herweha, heta çend rojê din ji hemî deverên Kurdistanê Kurd vê bên ser kebrê Mela Mistefa Barzanî û wefadariya xwe wê nîşan bidin.

Heyetek ji Partiya Sosyalîst a Kurdistan-PSK jî beşdarî merasîma bîranînê bûn û desteyên nêrgîzên çiyayên Kurdistanê li ser kebrê Mela Mistefa Barzanî danîn.