psk@kurdistan.nu
PSK PSK Bulten Komkar Komjin Roja Nû Weþan / Yayýn Arþiv Link Webmaster
Dengê Kurdistan
 PSK
PSK Bulten
 KOMKAR
Komjin
 Roja Nû
 Weþan/Yayýn
 Arþiv
 Link
Webmaster
 
Foto Hasan Aslan
Burkay di pêşangeha pirtûkên kurdî ya 7-an de pirtûkên xwe îmze kirin

Di pêşangeha pirtûkên kurdî ya Viennayê de, îsal siyasetmedar û nivîskar Kemal Burkay jî beşdar bû. Burkay li ser pirtûkên xwe yên helbestan û pirtûkên xwe yên bîranînan qise kir û bersiva pirsên guhdaran da. Burkay got ku cildê 3-emîn û 4-emîn yên bîranînên wî ji bo çapkirinê amade bûne, di wextekî lêhatî de wê bên çapkirin. Nivîskar di dawiya civînêde ji xwendevanên xwe re pirtûkên xwe îmze kirin.

Wek tê zanîn pêşangeha îsal bi şîara “Zimanê zikmakî mafekî çandî ye” hatibû li darxistin. Di bernameya eynî rojê de, li ser zimanê zikmakî du semîner hatin derbaskirin. Yek li ser perwerdeya zimanê zikmakî li Swêdê bû û ji alî Haluk Öztürk ve, û ya din jî li ser bandora înternetê li ser zimanê zikmakî bû ku ji alî Şefîk Öncü hat pêşkeş kirin. Wan di mijarên xwe de agahdariyên fireh pêşkêş kirin û dawiyê de pirsên guhdaran bersivandin.

Di sohbeta digel Kemal Burkay de, guhdaran li ser helbestên wî, berhemên wî û vegera wî ya welêt gelek pirs jê kirin. Ji pirsan yek jî ew bû “gelo Burkay baweriya xwe bi dewleta tirk tîne, ku wê neyê girtin?” Birêz Kemal Burkay got ku, ne ku baweriya xwe bi dewleta Tirk tîne, lê risk hebe jî ew vê rîskê digre ber çavê xwe û piştî hilbijartinan vedigere. Burkay got: “Temenê min 74 sal e, min heya îro tiştê ku bê gotin gotiyê û tiştê ku ji dest min hatiye kirîye, ez ji girtinê û tiştekî din natirsim.”

 
   
Dengê Kurdistan © 2011