Daxuyaniya hejmarek ji Part û Saziyên Kurdistanî li dor bûyerên vê dawiyê ên Başûrê Kurdistanê

Xelkê mafxwaz yên Kurdistanê!
Partî û saziyên siyasî!
Derketin û hatine ser şeqama hejmarek ji xelkê bajarê Sulêmaniyê bi armanca xistine berçav a xwast û daxwazên xwe, li roja Pêncşemî, 17’ê Şibata 2011’an, mixabin gihîşte encamekê ku cihê nîgeraniyê bo hemû aliyekê bû. Bajarê Sulêmaniyê tûşî alozî, tund û tûjî û hin kiryarên dûr ji çavnihêriyê bûye ku bo me û xelkê Kurdistanê û hemû dostên gelê Kurd cihê dax û nîgeraniyê bû.
Em bi nirxandina rewşa siyasî a Herêma Kurdistanê û ew seqaya demokratîk û medenî a ku di Herêma Kurdistanê de heye û derfeta anîne ziman û nîşandana xwast û daxwazên civatên xelkê bi awayeke asayî heye, li ser wê baverê ne ku dibe ew cure daxwaziyane bikevin ber çavên dem û dezgehên Herêma Kurdistanê ku bi awayek demokratîk û yasayî ji aliyê xelkê Kurdistanê ve hatine hilbijartin û hitbar û bawerî bi wan hatiye dayîn, bêguman bi hest biberpirsyatiyê ve dê girîngiyê bi wan daxwazan bidin û gavên pêwîst dê jêre bavêjin.
Di rewş û zurûfek hesas a weke niha de ku destkevtên netewî û demokratîk ên gelê Kurd li Başûrê Kurdistanê ber bi seqamgîriyê ve diçin û Herêma Kurdistanê û desthilata wê ya siyasî û netewî ji aliyê kom û komelên navnetewî ve girîngî pê tê dayîn û bizava rizgarîxwaz a gelê kurd ber bi pêşerojek geş ve gavan hiltîne, her cure kiryarek li Herêma Kurdistanê ku gelê Kurd tûşî dilkutê û nearamiyê bike û tesîr û bandorên nerênî li ser destkevtên gelê Kurd hebe, di xizmeta berjewendiyên bilind ên xelkê me de nabe. Lewma serdagirtin û êrîşkirine ser binke û bargehên partî û nawendên hikûmeta Herêma Kurdistanê, nikare xizmet bi armancên pîroz ên gelê me bike.
Em partî û aliyên siyasî ên Kurdistanî, daxwazê ji aliyên pêwendîdar ên Başûra Kurdistanê, ji hikûmet û opozîsyonê dikin ku bo dawîanîna bi vê aloziyê û çareserkirina pirsgirêkan bi awayek îroyîn û bi canê biratiyê ve riya diyalogê bigrin ber xwe û bi vê gava netewî, şanaziyek din bo gelê me tomar bikin û pîlanên neyarên gelê me ku berdewam hewla tevlîhevkirina rewşa Herêma Kurdistanê didin, pûç bikin û ewlehî û aramiyê bo hemû bajar û bajarokên Herêma Kurdistanê vegerînin.
Navên wan partî û saziyên ku ev daxuyaniye wajo kirine:
Ji Kurdistana Îranê:
-Partiya Demokrat a Kurdistana Îranê
-Saziya Xebat a Kurdistana Îranê
-Partiya azadî a Kurdistanê
Ji Kurdistana Sûriye:
-Heyeta Herêma Kurdistanê, Encumena siyasî a Kurd li Sûriyê ku pêkhatiye ji 9 partî û saziyên siyasî
-Encumena Bilind a Hevbendiya Demokrat a kurd li Sûriyê pêkhatî ji du hizb û hejmarek kesatiyên serbixwe
Ji Kurdistana Turkiyê:
-Partiya Sosyalîst a Kurdistana Bakûr
-Partiya Welatparêzên Demokrat ên Kurdistanê PWD
-Partiya Demokrat a Kurdistana Bakûr
22.02.2011
03.12.1389