Daxuyaniya Partiyên Kurd li Sûriyê

Di 14.05.2011an de, Partiyên tevgera siyasî kurdî li sûriya, di semînerkî de, bi hazirbûn nûnerên Malper û rojname û komelek ji Rewşenbîr û kesayetiyên serbixwe yên kurd û ereb û aşûrî, destpêşxerek ji bo çareserkirina rewşa sûrî ragihandin, li wê çivatê berpirs û nûnerên wan partiyan beşdar bûn, ev yek helwistiya tevgera siyasî di vê qûnaxa siyasî hestiyar de, hêviyeke mezin li cem miletê me avadike, herwha rêzgirtinekê li cem tevgera niştiman dide peydakirin, û fişarekê jî li ser desthilatê dide eşkerekirin, lewma tevgera siyasî kurdî îro li ber berpirsiyaretiyekê ye ko vê destpêşxerê bide qebûlkirin ji aliyê hêzên siyasî yên demoqrat li sûriya ve..

Daxuyaniya Partiyên Tevgera Niştimanî Kurdî li Sûriya

ji bo çareserkirina Qeyrana ko Îro li welêt berdewame

Di roja 15.03.2011 an ve, Cemawerê Sûrî bi germî dest bi xwepêşananên aştiyane kiriye, û doza pêkanîna Sîstemeke demoqratî dikin, ko xelkê Sûriya bi hemî rengên xwe yên Netewî û Kultûrî û Ayînî û siyasî ve, karibin mafên xwe yên serkî bi dest xwe bixin, ko ew Sîstem guncaw be bi wan guhertinên li Herêmê rûdane, û li gor vê demê be ko dinya berû Sîstemên demoqratî ve diçin, û azadî û wekheviyê di parêzin.

Ev serhildana ko îro li Sûriya serî hildaye, ew bi xwe Tevgereke Niştimanî Cemawerî ber fireye, dixwaze guhertineke demoqratî aştiyane, û çaksaziyên bineretî di hemî waran de pêkbîne û bide meşandin,ko dawiyê bi dîktatorî û bi desthilata takpartî bîne, û avakirina dewleteke şaristanî nûjen li ser bingeha wekheyiyê di Erik û Mafan de, û pêkanîna hevbeşiyek rasteqîn bo hemî haweletiyan ko bi tevayî beşdarî rêvebirina karê welat.

Guh ne dana desthilatê bi daxwaziyên milet di pêkanîna guhertinên demoqratî û aştiyane de li welêt, û bi tûndî bersivdana tevgera cemawerî û nerazîbûna wan ya aştiyane, qeyraneke kûr da peydakirin, ko welatê me tajoyê berû metirsiyeke mezin. Lewma pêwistî bi yek helwîs û yek rêzî li ser hemî astan heye, ko dive pêkhatên miletê Sûriya yên netewî û Siyasî û hemî çîn û qatên civakî li gel hev kom bibin, û li ser xalên serekî û rêzên pan li hevbikin, û bi hevre bigihin destpêşxereke giştî bo çareserkirina vê qeyrana ko welatê me daye ber xwe, û bi hemî tiwana xwe hewil bidin welatê xwe ji metirsiyan derbasbikin, û ber bi pêşveçûn û geşepêdanê ve bibin.

Partiyên Tevgera Niştimanî Kurdî li Sûriya, ko ew bi xwe jî beşeke ji Tevgera Niştimanî û Demoqratî giştî li welat, di bîne ko diyaloga niştimanî ya giştî dinav hemî pêkhatên niştimanî de li welat, ewe baştirîn rêga ji bo derbaskirina vê qeyranê û çareserkirina kêşeyên ko hene. Û ji bo serkeftina vê diyalogê, em pêwîst dibînin ko ev daxwaz jêr bi pele werin cîbicîkirin:

1- Dûrketin ji bikaranîna tûnd û tûjî û kuştinê, meger dibin çi behanê de be jî, û rêdan bi xwepêşandanan ko bi aştiyane bi rêve biçin, û bi karanîna zimanê diyaloga niştimanî di navbera hemî aliyên siyasî yên niştimanî û roşenbîrên bawer bi diyalogê wek tenha rêga bo li hevkirinê.

2- Cîbicîkiria biryara serokatiyê bi rakirina rewşa awarte, û hilanîna hemî yasayên awarta û ne rewa, herweha azadkirina hemî girtiyên siyasî .

3- Rêdan bi partî û hêzên siyasî, yên nûneratiya civaka xwe dikin, ko bi aşkere xebata xwe ya demoqratî bi rêve bibin, ta ko yasayek nûjen bo Partiyan were derkirin.

4- Rakirina hemî siyastên nijadperestî, û biryarên nehînî ko li dijî Miletê Kurd têne bi karanîn, û zû vegerndina nasnamê bo wan kesanko berê ji wan hatiye sitandin, û guhdan bi nawçên kurdî ko ji alî desthelatê ve hatine piştguhxistin, û pêkanîna wekheviyê di nav wan û nawçeyên din de li welêt.

5- li darxistina Kongirekî Niştiman giştî, bê ko tu alî têde destdirêj be, û yekem erkê vî kongirê dest nîşankirina pirja destûreke taze, ko êdî desthilata her aliyekî ne hêle, çi partiyek be yan netewek be jî, û bawermend be bi ferelayeniya siyasî û netewe, û pêşkêşkirina vê pirojê bo rapirsîna milet bi giştî, û danîna yasayeke taze bo Hilbijartinên Navçeyî û Perlemanî, û yasayek were derxistin bo damezrandina Partiyên siyasî jî ko taybetmendiyên civka sûrî û pêkhatên wê bê cîwazî bi sedema netew û ola wan, bi de parastin. û azadkirina ragihandin û rojnaman.

 6- Ciyakirina hersê desthilan, ya dadwerî û perlemanî û tenfîzî, û serxwebûna dadgehan û xwirtkirina rola wa.

7- Çareserkirina pirsa netewî ya miletê kurd bi riyên demoqratî rewa di çarçewî yekyîtiya welêt de, û qebûlkirina hebûna wî ya netewî wek pêkhateyek serekî , û dabînkirina mafên wî yên netewî.

8- Parastin û dabînkirina mafên wî yên kultûrî yên kêm neteweyên din liwelêt.

Guhdan bi vê destpêşxerê wek pêwist, ji aliyê hemî hêzên siyasî û kultûrî bi hemî rengê xwe ve, wê bi keve xizmeta berjewendiyên milt û welatê me de.

11.5.2011

Partiyên Tevgera Niştimanî Kurdî li Sûriya