psk@kurdistan.nu
PSK PSK Bulten Komkar Komjin Roja Nû Weþan / Yayýn Arþiv Link Webmaster
Dengê Kurdistan
 PSK
PSK Bulten
 KOMKAR
Komjin
 Roja Nû
 Weþan/Yayýn
 Arþiv
 Link
Webmaster
 
   
 

Helbestavanê ”Kulîlkên Çiya”

ESKERÊ BOYÎK BÛ HEFTÊ SALÎ

Eskerê Boyîk, çawa ku hûn xwendevanên hêja jî dizanin, yek ji helbestvan û rewşenbîrên kurd ên Ermenîstanê yê hezkirî ye, nuha ketiye 70 saliya xwe. Van rojana 70 saliya  mamosta Boyîk malperên kurda dixemilîne. Pîrozkirina salvegera kesan an jî rojbûna wan di çanda me kurdan da tiştekî nû ye. Lê ez dibêm qey ev kevneşopîyeke baş e ku ji çanda  Rojavayê derbasî nav çanda me kurdan jî bûye. Rojên weha dibin hêcet ku em careke din hêjayîyên xwe bi awayekî kollektiv bi bîra xwe tînin. Nuha em şa`ir û nivîskarekî xwe yê hêja Boyîk bi dilxweşî bi bîr tînin û hezkirina xwe jê ra dîyar dikin.

Em kurdên Kurdistana Bakur, kekê Eskerê Boyîk  ji roja derketina pirtûka wî ya helbestan ya bi navê ”Kulîlkên Çiya” şûnda (sala 1979-an, Neşirxana Riya Azadî) nas dikin û heta îro wî û berhemên wî dişopînin.  Ew berhem ji alî Keke Kemal Burkay va bi tîpên Latînî û bi wergera zimanê tirkî va hatibû belav kirin. Ne tenê em kurd, xwendevanên zimanê tirkî  jî bi berhemeke kurdên Sovyetê re bûbûn nas... Him jî bi însiyatîfa şaîr û rêberekî eyan yê milletê kurd...

Pîrozkirina rojbûna helbestvan, nivîskar û dramatologê  hêja Dr. Eskerê Boyîk,  ji bo me xebatkarên Roja Nû xasima şanaziyeke mezin e. Ji ber ku gelek ji berhemên Boyîk, cara pêşin  di nav Weşanên Roja Nû da ronahî dîtine. Loma dostî û hevkariyeke me ya taybet heye. Ji berhemên wî;  Mem û Zîn (şano); Du`a Serê Sibê; Kulîlkên Birîndar; Govenda Herfan di nav Weşanên Roja Nû da derketin. Em bi vî karî,  xwe gelek serbilind û serfiraz dibînin. Îro em ji kekê Esker ra  nikarin kulîlkên çiyayên Elegezê, yan jî Sîpanê Xelatê bişînin. Lê em dikarin çarîneke  helbestvanekî jê ra bişînin (bi hêviya ku wek diyarî qebûl bike û bi dilê wî be...):

Zarotî bi çavên zelal wek kanîyan e
Ciwanî bi kar û evîn wek pilingan e
Çi heyşdeh salî bî, çi heyştê salî
Jîyan wek sêvek sor e, dil ciwan e 

(Kemal Burkay)

Kekê Esker;

Bila temenê te bi seheteke baş, bi moralekî bilind û kaltiyeke bi kalîte û xweş derbas bibe! Dirêj û dirêj!...

Haluk

Berpirsê giştî yê Weşanên Roja Nû

2011.08.28, Stockholm

   
   
Dengê Kurdistan © 2005