FIKRÊUMÎYA RÊ

Ede 16ê guciga 1999ine de se ke Serekê PKK Abdullah Ocalan ame teslimê Tirkîye kerdene, bi destê ey bi nameyê “Komara Demokratike” dest bi konseptê ame pêkerdene. Goreyê nê konseptî, wastişê kurdan ê neteweyî û polîtîk pêro ameyî terkkerdene. Xoverdayîşê kurdan ê se serra peyêne, sey, seba parçekerdişê Tirkîya provakasyonê hêzanê pêşeyan ameyî nîşandayene. Tezê kemalîzmî yo resmî yo ke kurdan inkar keno, ame qebulkerdene. Ocalanî xo “nasyonalîsto kemalîst” ilan kerd û dadgehe de vat ke metodê cengê çekdarîye rast nîyo. Têpîya ey îddîa kerd ke Tirkîya de îmkanê tekoşînê demokratîk û aştîye her tim bîyê û înan stratejîyê cengê çekdarîye caverdo, şansê xo yê serkewtene bibo kî reyna dest çeke nêerzenê.

Nê konseptî ser o damxê Erkanê Pêroyî yê Tirkî bî. Seba ke îsbat bikero ke çiqas girêdayîyê nê konseptîyo kî Ocalanî talîmat da û hêzanê gerilla mewzîyê xo caverdeayî, pêyser ancîyayî şî Kurdîstanê Başûrî. Demê nê peyserancîyayîşî de hêzanê dewlete operasyonî nêvindarrnayî û no sebeb ra kî panc sey ra vêşêrî gerîlla ame/amê kîstene. Têpîya no dem de, gerîllayan ra tayê bi nameyê “Grubê aştîye” teslîmê dewleta Tirkî kerîyayî û bi ceza tewr girane ameyî cezakerdene.

Bi proja “Komara Demokratîke” kurdan ser o bandura propagandayêda girde amê ronayene. Hedef o bî ke kurdî reyna sîstemê tirkan o polîtîk ra bêrê girêdayêne. PKK amê feshkerdene.  Sazgeh û dezgehê legalî ameyî feshkerdene ya kî nê konseptî ra gore newe ameyî organîzekerdene.  

Nê panc serrî de Tirkya û Rojhelatê Mîyanênî de vurrîyayîşê/bedilîyayîşê zaf muhimî ameyî mêydan û hîna kî benê. Demo ameyox o nêzdî dê hereme de tayê çîyê muhimî yo/do bibêne. Mintiqa, sêmuga/suxbera vurrîyayîşanê tarîxî ser o ya. Mudaxaleyê Amerîka yê Iraqî, Kurdîstanê Başûrî de seba kurdan qezencê muhimî peyda kerdî. Tirkîya de hetê polîtîka ra tabloyêde newe vejîya meydan. Hukmatê AKP, seba endamîya Yewîya Ewropa tayê vurrîyayîşê qanûnî tanzîm kerdî.

Heto bîn ra, rîyê nê konseptî ra PKK zerreyê xo de kewte dengêda girane, amê merhala vilabîyayîşî. Rêxistine de, derheqa pozîsyonê “sereko bêniqaş” Ocalanî de dudilîye peyda bîye. 

Dewleta xorîye ya ke no hal ra memnun û rehet nîya, bi nê cengî wazena ke mudaxaleyê şîyayîşî bikerone.  Hêzê mîlîtarîstî wazenê ke Tirkîya de bi xo reyna bibê tek hêza wayîrê bandure. Seba mîyan ra wedardişê heq û huqûqê Kurdîstanê Başûr û tarîkerdişê rojanê virenîya miletê kurdî, ê wazenê ke zemînê mudaxaleyî bikerê hazir. Xora, cayo ke tede qerarê cengî êno girewtene ki binê kontrolê Erkanê Pêroyî yê Tirkî der o.

Sebebê nê cengî yê ke têpey de ênê rêzkerdene, wastenê miletê kurdî ye neteweyî/mîllî, demokratîk û polîtîkî te de ca nêgênê. No sebeb ra kî no ceng cengê kurdan nîyo û qet menfaatêde şarê kurdî no ceng de çîn o.

Merdim tawo ke armanc û hedefan bigêro verê çiman, no ceng nîno qebulkerdene. Tek serkewtoxê nê cengî yo/do bibo “Dewleta tirkan a xorîye.”

No ceng, qezencanê Kurdîstanê Başûrî keno binê rîskî û îdareyo neteweyî yo Başûr de virazîyo, seba ey tehdîdêde cîddî yo. No, seba başûrê Kurdîstanî kewtişê Ordîyê Tirkî zemîn amade keno.

Dewleta xorî ya ke hetê endambîyayîşê Tirkîya yê Yewîya Ewrupa ra rehete nîya. A, seba ke virênîye ro nê şîyayîş û demokratîzebîyayîşo nêmceto ke no rî ra kewto rojeve bigêro, motacê nê cengî ya.

Heto bîn ra pozîsyonê Ocalanî yo polîtîko ke bîyo zay⁄f û game bi game ser o êno qeseykerdene, seba saxlemkerdiş û reyna tesiskerdişê otorîta ey kî no ceng hewce vînîno. Bi qerarê nê cengî, êno wastene ke hakîmîyêtê Ocalanî PKK de reyna bêro tesiskerdene. 

Vateyo peyên;

No ceng ganî derhal bêro vindarrnayene; Dewleta Tirkî operasyonan bivindarrno, gerillayê PKK qet hucumê cayê mekerêne û aye ra kî wet (dot) hetê ke ceng der ê, hukmanê Peymana Cenevre ya Navnetewîye rê bê dudilîye rîayet bikerêne.

Dewleta Tirkî, polîtîka xuya rasîst û şövenîst a ke bena sebebê lejê çekdarî caverdone û seba ku Mileto Kurd ameyoxê xu yê polîtîkî ser o birre bidone ci, zemîno demokratîk û huquqîyo ke hewce yo, amade bikerone.

PKK kî sîyasetê xu yo ke heqanê miletê kurdî yê mîllî, polîtîk û kulturî ano keno çerçewa tewr qijkek heqanê kulturî, terk bikero û xoverdayîşê xo goreyê programêde winî birramone ke nê heqî te de ca bigêrêne.

Kesê ke hemberê nê cengê bêmaneyî der ê, ma venga înan dame ke goreyê programêde pîyayî/ortaxî hereket bikerêne.

Mahmut KILINÇ, Nejdet BULDAN, Yilmaz ÇAMLIBEl, Ayhan ÇIFTÇI, Cuma YAKUT, Hüseyin TURHALLI, Zeki ÖZTÜRK, Murat DAĞDELEN, Mehmet BAYRAK, Eskerê BOYIK, Ahmet ÇAMLIBEL, Munzur ÇEM, Cemil GÜNDOĞAN, Musa KAVAL, A.Haydar KOÇ, Seyidxan KURIJ, Siraç BİLGİN, Rezan DİYAR, Mehmet YAKUT, Murat ÜLGEN, PIRKEMAl ,Sevda BERCILE , Fikret YILDIZ , Hadi BAGHISTANI, Recep MARAŞLI, Arif BEYENCIR, Elif İLBAY, Kenan Fani DOĞAN, Zınar ÖZTÜRK, Kutbettin ÖZER, Abdullah KAYA, Yılmaz KAYA, Behram ALABAY, Suna GÜVEN, Ali KARDAXOS, Serhat MERT, Selim ÇÜRÜKKAYA, Baran HEMZE, Metin AYYILDIZ, Ikram OĞUZ, Ferman ÇÜRÜKKAYA, BEDİL ,Mustafa ALADAĞ, Veysı ÖZGÜR, Özcan SOYSAL, Bube ESER, Hüseyın KIZILOCAK, Kazım TEMURLENK, Nazif TELEK, Ümit KAYA, Necmeddın ALP, Serdar Fettah MUSTAFA, Xeyri AKIN, Cafer DARICI, Brusk SOLDUK, Ali DÖNERTAŞ, Baran KARA, Mustafa KISABACAK, Bervarto ŞAHİN, Sait ÇÜRÜKKAYA, Mehmet ECE, Serpil İNANÇ, Osman ÇINAR, Bekir ÜÇKEN, MALMISANIJ, Ali ALXASİ, Dara CİBRAN, Fettah TİMAR, Veli ABBAS, Sema AYDIN, Zeynel Abidin HAN, M.Sıddık ÖLÇER, Yücel SÖNMEZ ,Mustafa FİLİZ, M.Ali YILDIRIM