Ber bi cejna xwe ya netewî, cejna NEWROZê,  em tevî pîrozbarîyên xwe yên hêvîtijeve çend hêvî û daxwazan  ji gelê xwe yê bîrewer dikin.

Rewşa sîyasî ya dinê her dem di nav guhertinan de ye, her weha rewşa Kurdistanê jî bi gelek alîve her roj di nav guhertinan de ye. Van guhertinan bandorên girîng him erênî û him jî nehênî li ser gelê me dihêle.

Yek ji guherandinên girîng ku bi bez bandora xwe li ser kesan û civakan dihêle rê û rêçikên agadarîyane. Ev bi xwe jî; him firsendan li ber gelê me amade dike, lê ji ber ku em kurd di vî warî de jî gelek li paşin him jî metirsîyên mezin li ser gelê me pêktîne.  Ev jî xwe bi giranî   li ser ziman û çanda kurdî nîşan dide. Ji alîyek ev firsenda xebitandin û nêzikbûnîya zimanê me amade dike lê ji alîyê din jî zzimanê me yê şêrîn ber bi hundabûnê dibe. Her diçe Kurdî ji alîyê gelek kursdan ve nayê xebitandin. Ev talûke ye, talûkeyek mezine!!

Kurdino.

Em ji we yeke yeko hêvî dikin ku; hun bi zarokên xwe re bi kurdî bipeyivin. Vî zimanê meyî şêrîn ji nav mala xwe dernexin, zarokên xwe jê bêpar nehêlin.

Kesên ku ji ber çi egerî dibe bira bibe ku ‘kurdî nizane’ bi gavek zûtir hinek zor bide xwe zimanê xwe hîn bibe. Jîyandina neteweyek bêziman gelek û gelek dijwar e. Em ji we hêvî dikin

Her neteweyek cejnên wanên netewî hene. Her weha her netewek rojên wanên hêşan jî hene. Ev jî yek ji hîmên hebûn û domandinên hestên netewîne. Newroz girîngtirîn û mezintirîn cejna me ya netewî ye.

Em dîsa ji we yeke yek hêvî û daxwaz dikin ku hun xwedî li hebûna xwe û netewa xwe derkevin.

Kurdî bipeyivin, bixwînin, hînbin û hînbikin!!

Roja cejna me ya netewî, roja NEWROZÊ, pêwistek ku; tu kurdek nexebite, neçe dibistanan. Pêwiste her kurdek li gor rewşa xwe û karinîya xwe aagirê NEWROZÊ pêxe, ya pêxistî geştir bike, cejna xwe ya netewî pîroz bike!!!

Dîsaa pêwiste ku her kurdek HELEBÇE û helebçeyan ji bîr neke û li rêya pêşîya Helebçeyên nû bigire. Ev bi xwedî li hest û helwestên netewîve girêdayî ye!! 

Platforma Kurdên Ewrupayê - PLATFORM
PNK Bakur -  IKE (Însîyatîfen Kurdên Ewrupayê-Însiyatîf) - DEMKURD 
FKKS Box: 5013, 131 05 S-Nacka, tel: 08-6446622, fax: 08-6502120,
e-mail:info@kurdiskarf.org www.kurdiskarf.org