Ebdul Hemîd Derwîş û heyata wî ligel Serokê Komkara Erebî cîvîyan

Dema Nû-Hewlêr

Bi gor nuçeyek, ku dî dîmoqratî.net da belav bûye, dî 22.11.2011’an de li paytexta Misir Qahîrayê, Heyeta Şanda Encumena Niştimanî Kurdî li Surîya bi serokatiya Ebdul Hemîd Derwîş, ligel  Nebîl Elerebî Emîndarê Komkara Erebî civînek çêkîrîn. Hate dîyar kirin ku ew civîn gelekî serkeftî bûye.

Serokê Şanda Encumena Niştimanî Kurdî li Suriya Ebdul Hemîd Derwîş, ew êş û zulim û zora ku li ser Kurd bi dehan sal hatiye meşandin, ji bo Emîndarê Komkara Erebî bi zelalî eşkere kir. Şanda Kurd, her wiha yadaşnameyek (daxwazname) bi navê Encumena Niştimanî Kurdî li Suriya pêşkêşî Nebîl Erebî kirin.

ji alî xwe ve serokê Komkara Erebî dilxweşiya xwe bi ditina şanda Kurdî nîşan da û eşkere kir ku Encumena Niştimanî Kurdî li Suriya bi xwe navnîşana Miletê Kurd e li Suriya û beşekî serekî ye ji Oposiyona Surî û dibê ku beşdar be di hemî diyalog û hevditinên Oposiyona Surî de.

Şanda Kurdî lı Qahîra gelek hevdîtin kirine û wê bike li gel Komkara Erebî û aliyên din yên Oposiyona Erebî mîna Encumena Niştimanî Erebî û Encumena Ci Be Ci Kirina Niştimanî. Armanc ji wan hevdîtinan yekxistina rêza opozisyon û xwe amade kirin e ji bona qonaxa derbasbûyinê.