Xwepêşandanek li dijî siyaseta îdamkirinê ya Komara Îslamî

Duhî li Hewlêrê, li ber konsolxaneya Îranê ji aliyê, hîzb û hêzên siyasî yên Rojhilata Kurdistanê ve li dijî siyaseta îdamkirina Komara Îslamî xwepêşandanek pêk hat.

Dengê Azad/Hewlêr

Hejmareke zêde ji xelkên Rojhalita Kurdistanê, hîzb û aliyên siyasî pêkhatî, li ber avahiya Konsolxaneya Îranê li dijî siyaseta îdamkirina Komara Îslamî bi xwepêşandanekî nerazîbûna xwe nîşan dan û ev siyaseta komara Îslamî mehkûm kirin.

Di xwepêşandanê de yek ji alî û pêşengê vê xwepêşandanê nunerê Partiya Demokrat a Kurdistana Îranê-PDKÎ Tahir Mehmûdî daxuyaniyek li ber avahiya konsolxaneya Îranê pêşkêşî gel û raya giştî kir. Mehmûdî di daxuyaniya xwe de balkişand ku ev siyaseta komara Îslamî ya Îranê nikare bi van îdaman xortên Kurd çavtirsayî bikit.

Nunerê PDKÎ Tahir Mehmûdî di berdewamiya daxuyaniya xwe de weha got; “Her wekî agahdar in Komara Îslamî a Îranê dest bi pêleke îdamkirina xortên tekoşerên Îran û Kurdistanê kiriye. Roj nîne ku kesekî ne biribe ber sêdarê. Ev siyaseta Komara Îslamî ne ya evro ye, bi hebûna komara Îslamî li ser kar ve heta niha siyaseteke bingehîn e. Komara Îslamî nikare bi van îdaman xortên Kurd çavtirsayî bikit. Di cihê xwe de ye bo mehkûmkirina Komara Îslamî û nasandina naveroka vê rêbazê bi çi hewlan bergirî lê neyê kirin, bi tenê rêya wê nemana komara Îslamî ye.

Em carekî din wek nunertiya PDKÎ vê pêla îdamkirina xortên Îran û Kurdistanê mehkûm dikin. Ev kare jî bi tenê rûreşiyê bo Komara Îslamî bi xwe ve tîne. Serkeftin bo azadî, slav li giyanî pakî ew tekoşerên bi serbilindî çûne bin sêdare yê, serfirazî bo gelê Kurd”

Piştî ev daxuyaniyê, beşdarên xwepêşandanê, cam û avahiya konsolxaneyê û resmên Xamaney û Xumeynî dane ber keviran.

BÊ NÎŞANDANA ÇAVKANİYÊ, WERGİRTİNA NÛÇEYÊ QEDEXE YE!
http://www.dengeazad.com