Kurdên Swêdê Kekê Kemal bi rê kirin:
Riya te vekiribe

Stokholm-30 Tîrmeh 2011

Heval û dostên Kemal Burkay îro serê sibê pê re heta balafirxana Stockholmê  çûn û ew bi rê kirin. Balafira ku saet 12.20 de pê çû wê li dor saet 16.30 de li îstenbolê dakeve.

Li balafirxana Stokholmê Arlandayê gelek dost û hezkiriyên wî kom bûn û

ew bi rê kirin. Wan bi durûşmên bi zimanê kurdî, swêdî û tirkî li ser plaketan nivîsandî hest û daxwazên xwe anîn zimên. Heyecana vegera birêz Kemal Burkay di çavê heval û dostên wî de dihatin xwendin. Plaketên; “Riya Te vekirîbe Kekê Kemal” “Oxir be! Hejdå! Güle güle!” “Em li vir dibêjin oxir be ji Te re! Gelê kurd li wir dibêje Tu bi xêr hatî!” şahidiya vegera rîspî û rêberekî kurd yê xuyayî dikir.

Vegera birêz Kemal Burkay ji surgunê, ji aliyê heval dost û hezkiriyên wî û gelê kurd bi giştî tê piyandin. Li Îstenbolê gelek welatparêzên kurd, demokratên tirk û medya wê pêşwaziya birêz Kemal Burkay bikin.