Komciwan-Swêdê  dest bi xebatên payizê kir

Komeleya ciwanên kurd li Swêdê (KOMCIWAN-Swêd) dest bi xebatên demsala payizê kir. Di bernameya xebata îsal de, wek berê kûrsên govendê, kursa tembûrê, tekwando û kursa ziman heye. Komeleyê li bernameya xwe ya îsal ”alikariya dersan” jî daniye. KOMCIWANê roja 28-ê tebaxê de, di civînekê de ev bername raberî zarokan û dê û bavan kir.

Kûrs wê wek hersal li xaniyê Alviks Kommunalhus (li ser KOMKAR-ê) bên derbaskirin. Tenê kûrsa ziman û ”alîkariya dersan” wê di eynî xanî de li Kitêbxana kurdê bên dayîn.

Ji bo dê û bavên ku dixwazin zarokên wan beşdarî van çalakıyan bibin dikarin rojên yekşeman di navbera saet 12.00-15.00 de bên Alvikê yan jî ji malpera komciwan.com, daxwaza  xwe bigihînin rêvebirên kûrsan.

TELEFON (Rojê yekşeman) hûn dikarin herwisa têlefonî 08-253857 (KOMKAR) bikin eger derbarî kûrsan de pirseke we hebe.

Çalakiya KOMCIWANê ya pêşin

Komeke govendê ya komelê di roja 3-ê îlonê de beşdarî festîvala Tensta bû, li ber dahol û zurnê govendên kurdî nîşan dan. Zarokan bi vê çalakiya xwe careke din ala Kurdistanê û çanda kurdan anîna meydaneke kulturên cuda yên biyanî li Stockholmê.