Komîsyona Ciwanan ya Navendî ya Hak-Parê hat damezrandin

Dengê Azad/Amed

Di 8ê Çileyê Paşîn de li Şaxê Hak-Parê yê Amedê de civîna Komîsyona Ciwanan ya Navendî pêk hat. 12 endamên komîsyonê başdarê civînê bûn.

Civîn bi axaftina Cîgirê Serokê Giştî yê Partiya Maf û Azadiya-Hak-Parê Umît Tektaş hat destpêkirin. Tektaş, di axaftina xwe de komîsyona ciwanan bi giringî nirixand û diyar kir ku aliyeke herî xurt yê pêşkeftin û kemilandina tekoşînê bi xebatên ciwanan dikare pêk were û ciwan pêşeroja partiyê ne. Tektaş, di dawiya axaftin xwe de ji bo xebatên komîsyona ciwanan serkeftin xwest.

Piştre Omer Ekmen axaftinek kir û di axaftina xwe de girîngî da komîsyona ciwanan û bi xwendina rojevê re civînê da destpêkirin.

Ew kesên ku beşdarê civînê bûne, bi giştî di axaftinên xwe de qala xebatên ciwanan yên di nav şaxên Hak-Parê de kirin. Piştre li ser avakirina komîsyona ciwanan ya şaxên Hak-Parê tu pisrgirek nedîtin û komîsyonên ciwanan yê şaxên Hak-Parê dê ava bikin û bi awayekî çalak xebatên xwe berdewam bikin.

Civîn nêzikê 7 seet berdewan kir û endamên komîsyonê ji bo xurtkirina çalakî û tekîliyên şaxên Hak-Parê biryarên giring dan.

Di dawiya civînê de bernameya xebatan hat xwendin û belavkirin û pişte jî wezîfe hat parvekirin.

Peywir;

Serok: Omer Ekmen (Amed)

Sekreter: Mustafa Durucu (Dêrsim)

Muhasîb: Teyfun Taşkan (Enqere)

Çapemenî: Mirad Cengîz (Agirî)

Xebatên Perwerdehiyê: Rohat Kara (Îstanbul)

Endam

Yakob Turan (Erzirom)

Yunis Ekmen (Riha)

Omer Baylan (Meletî)

Savaş Bayhan (Îzmîr)

Sînemxan Keştan (Edene)

Mirad Ekîncî (Wan)

Zafer Korkmaz (Amed)

Piştê parvekirina wezîfeyan Serokê Giştî yê Hak-Parê Bayram Bozyel beşdarê civînê bû û axaftinek kir. Bozyel, di axaftina xwe de qala helbijartina peşerojê kir û girîngî da komîsyona ciwanan ya nawendî.

Piştre li ser xebatên şaxên Hak-Parê hin sohbet hat kirin û Serokê Giştî Bayram Bozyel serkeftin ji bo Komîsyona Ciwanan ya Navendî re xwest.