Konferansa Navneteweyî ya Jinan destpêkir

Konferansa Navneteweyî ya Jinan, ku l i Venezûellayê bi mebesta 100emîn salvegera 8ê Adarê Roja Jinên Cihanê hatiye amade kirin, bi beşdariya nêzîkî 1500 jinên ku ji cihên cuda cuda yên dinyayê hatine cem hev, li 4ê Adarê  destpêkir.

Berîvan Adiguzel

Konferansa Navneteweyî, xebatên xwe bi 12 atolyeyên ku her yek bi kêmasî ji 50 jinan pêk tên, destpêkir.

Vekirina konferansê ya bi girseyî di roja 2ê de, bi stranên ku bo vê konferansê hatine hûnandin û bo gelek bo gelek zimanên cuda hatiye vegerandinê ve destpêkir. Piştî xwendina sirûda neteweyî a Venezûellayê, bi xêr hatina delegasyonên beşdarê vê konferansê hate kirin.

Ji aliyê Ana Soto û Monica Gartner Engel axaftinên ku bi navê Komîteya Organîzasyonê hatiye pêşkêş kirin têda behsa qonax û dîroka konferansa navneteweyî a jinan hate kirin, fedakariya ku ji aliyê jinan ve hatiye nîşandan, di vî warî de bi mînakan nîşan da.

Roja duduyê a konferansê, bi pêşkêşkirina biyografiya, ku ji bo Clara Zetkînê hatiye amadekirin û bi bernameya şahiyê ve bi dawî bû.

Di Konferansa Navneteweyî ya Jinan de hinek pirsgirêk jî hatine pêş. Pirsgirêka serekî terxan nekirina bi qasî pewîst hol ode ji aliyê rêveberiya zanîngehê bû. Rêveberiya zanîngehê jî sedema vê pirsgirêkê berdewamiya perwerde û îmtîhanan nişan dan.  

Hin jêderên ne fermî, ev daxuyaniya zanîngehê, ji rastiyê dûr bi navkirin. Bi gor wan, astengiya mezin, wezaret nîşan da û di destpêkirina vê konferansê de beşdar nebûna fermî jî delîlê vê yeke ye.  

Jinên Kurd strana “Herne Pêş” ku bi hev re dibêjin, beşdariya şahî û govenda hevbeş a jinan dikin.

KOMJİN, digel rêxistina jinên Alman COURAG ku yek ji amadekarê vê konferansê ye, beşdariyê xebatên konferansê dike. Standa hevbeş a KOMJİN û COURAG, ku têde gelek broşur û weşanên li ser jinên Kurd û KOMJİNê heye, bala jinên welatên dine dikişande ser xwe.

Ji bilî KOMJİNê rêxistina CENİ-Office of Kurdish Women for Peace jî beşdariyê di vê konferansê de dike.

Berevajiya rêxistinên jinên dî yên ji welatên cuda hatî, jinên Kurd ji ber xwe ji xilas nekirina ji îdolojî, di xebatên xwe de nikarin bi hev re kar bikin.

Amadekarên vê konferansê aşkere kirin ku gelek jinan dixwestin beşdariya vê konferansê bikin, lê ji ber newergirtina vîzeyan neşiyane beşdariyê têde bikin. Bi gor bir û baweriya organizatoran, helwesta hanê astengkirina dewletan bo vê konferansê nîşan dide. Li gor wan her tevgereka jinan ku ne di bin bandora dewletan de be, ew jî pêşketina wan ne rehet in.