psk@kurdistan.nu
PSK PSK Bulten Komkar Komjin Roja Nû Weþan / Yayýn Arþiv Link Webmaster
Dengê Kurdistan
 PSK
PSK Bulten
 KOMKAR
Komjin
 Roja Nû
 Weþan/Yayýn
 Arþiv
 Link
Webmaster
 

Di şûna erîş û tehdîtan de, hewil bidin ku aşîtiya nav xwe ya Kurdan pêk bê

Piştî hevdîtina hunermendê hêja yê gelê Kurd Şivan Perwer bi cîgirê serok wezîrê Tirkiyê Bulent Arinç û daxwaza çêkirina konserek bi hunermendên Tirk di TRT6ê da, Şivan Perwer bû hedefa rexnên erîşankar ji derdorên PKKê.

Şivan Perwer, bi deng û awazên xwe, bi hunera xwe ve 35 sale xizmeta gelê xwe dike. Ji 30 salî zêdetir e ku di surgûniyê da xebata xwe ya hunermendiyê didomîne. Ewî bi xebat û hunera xwe ve, di şiyarbûna gelê kurd da rolekî ber bi çav lîstiye. Di hemû beşên Kurdistanê da, di dilê hemû Kurdan da, ji 7 saliyan bigre heta 70 saliyan de cîhekî kûr girtiye. Şivan Perwer, xwe wek hunermendek kurdperwer û welatparêz îspat kiriye. Bûye hêjayî û mulkê gelê Kurd.

Divê tu rêxistin û hêz, hunermendan wek mulkê xwe nebînin. Hunermend mulkê gel e û hunera wan jî ji bo gelê wan e.

Derdorên PKK´ê, li Şivan Perwer, li hunermend û li siyasetmedarên ku ne bi wan ra ye, bi salane erîşên tehdîkar dikin. Eger car caran tasyonê daxistibin jî, lê dev ji siyaseta çewt bernedane. Kesên ku wek wan nefikire, hunermendên ku ne di bin bandora wan da be, wan bi îxanetê tawanbar dikin.

Konfederasyona Komeleyên Kurdistan li Ewrûpa-KOMKAR.eu, Erîş û rexnên tehdîtkar li hember hunermendê hêja yê gelê Kurd Şivan Perwer, neheq dibîne û mehkum dike.

KOMKAR.eu, daxwaz dike ku di şûna erîş û tehdîtan de, bi hunermendên Kurd, bi siyasetmedarên Kurd, bi partî û rêxistinên Kurd ra aş bin. Hewil bidin ku pirs û pirsgirêkên nav Kurdan bi riya dîyalog bi şiklekî demokratîk bê çareserkirin. Hewil bidin ku aşîtiya nav xwe ya Kurdan pêk bê.

Yê ku xizmeta gelê Kurd bike ev e! Yê ku ji yektiya Kurdan re xizmet bike ev e,

16.02.2011 Kovan Amedî Serokê giştî yê KOMKAR.eu

 
   
Dengê Kurdistan © 2011