Partiyên siyasî yên Kurd li hev civiyan

Îro, li Hewlêrê, bi mebesta pîrozkirina salvegera damezrandina Komara Kurdistanê li Parlamentoya Herêma Kurdistanê bi beşdariya serok û nunerên partî û hêzên siyasî yên ji her parçeyên Kurdistanê, kombûnek pêk hat.

Dengê Azad/Hewlêr

Beşdarbûyiyên vê kombûnê ji aliyê Serokê Parlamentoya Herêma Kurdistanê Kemal Kerkûkî ve bi germî hatin pêşwazîkirin û piştî slavkirin û bixwêrhatinkirina mêvanan ji aliyê Kerkûkî gotarek di derbarê damezrandin û naverok û girîngiya damezrandina Komara Kurdistanê pêşkêşî beşdarên vê kombûnê kir.

Kemal Kerkûkî di gotara xwe de balkişand ser damezrandina Komara Kurdistan û ew bingehê diyarkirina mafê çarenûsî ya gelê Kurd bi nav kir.

Hêjayî gotinê ye, bernameya pîrozkirina damezrandina Komara Kurdistanê berdewam e.