PDK-Bakur bûyera Farqînê bi daxuyaniyekî rûreş kir û daxwaza lêkolînê kir  

Bûyera Farqînê provokasyonekî hêzên dewletê ye, divê lê bê kolîn, rastî derkeve holê

PDK-Bakur doh daxuyaniyekî derbarê bûyera li qeza Farqînê belav kir. Di belavokê de tê ragihandin ku ev qewimîn bûyerekî ne ji nîşka ve ye û muhtacî zelal kirirna gelek pirsên ne diyar e. Partî vê bûyerê wek provokasyonekî hêzên dewletê bi nav dike û daxwaz dike ku li ser bûyerê divê bi ciddî werê lêkolîn û rastî derkevin meydanê û ji raya giştî re were aşkere kirin. Di daxuyaniyê de ev bûyer bi provokasyonên salên nodî tê berhevdan, wekî bûyera Basê (Guclukonak) kuştina cerdevanan, xirakirina Licê bûyera kuştina tumgeneral Bahtiyar Aydin û bûyera kuştina albay Ridwan Ozden li Mêrdînê û bi dehan qewimînên wisa.

PDK-Bakur vê qewimînê rûreş dike û ji hemî aliyan dixwaze ku ev bûyer zûtirîn demê de werê zelal kirin. Bê guman berpirsiyariya sereke li ba dewletê û hukumetê ye. Lê KCK jî hewce ye derbarê vê bûyerê de agahdariyên tatmînkar rabigihîne.

Di daxuyaniyê de ev provokasyon wek pêşîlêgirtina prosesa aşitiyê û sivîlizekirina tevgera Kurd tê nirxandin. Bi taybetî hêzên nîjadperest û şovenist dixwazin pêşî li doz û daxwazên mafê xwe bi xwe rêvebirinê û bi destxistina mafên kolektîf yê Kurdan tê dest nîşan kirin.

Dirêjiya daxuyaniyê ji bo tirkî û tirkîaxiva li jêr bitiqînin:

http://www.pdk-bakur.com/modules.php?name=News&file=article&sid=2956