Piştgirî ji bo berxwedanên Sûriyê

Îro , 31.05.2011, li bajarê Heidelberg ji bo berxwedanên gelên Sûrîyê xwepênişandanek li Hauptstraße hate dirûst kirin. Ev çalakî ji alîyê „ Komela Suria azad li Heidelberg “ hate amadekirin

Ev komele ji Komciwan Mannheim, Komkar Mannheim,  Amnesty International, Asylkreis Heidelberg û Initiative zur Integration kurdischer Migranten in Heidelberg pêkhatîye.

Bi rêya vê çalakîyê, amadevanan piştgirtîya berxwedana gelê Sûriyê kirin û daxwazên xwe ji bo Sûriyeka azad, bılınd kirin.

Ji heyva  Adarê wir da gelê Sûriyê tev Kurd û Ereb bi rêya xwepeşandanên bê westan, bi rêkeka aşitî, dijî rejîma Sûriyê ber xwe didin, dijî diktatorî û Zordarîyê, azadî û demokratî dixwazin. Heta îro 1100 mirov hatine kuştin, pirtir ji 6000 kesan hatine birîndarkirin û pirtir ji 12000 mirovan hatine girtînê. Herwiha qebrên sedan zarok û jinan li bajarê Daraa hatine dîtin. Hemû ji wan, tevî xwepêşandanan bûbûn û daxwaza mafên xwe yên mirovî dikirin.

Ji bo piştgirîya gelên Sûriyê li Heidelberg Hauptstraße çadirek mezin hatbû avakirin, cıwan û zarokan bi hevre, bi alayên kurdî û sûrî, bala xelkên Heidelbergê kêşan ser xwe.

Herwiha bi rêya Amnesty International imza hatin komkirin.

Bi kurtî, ev çalakîyeke bi rêk-û-pêk û serkeftî bû. Û niha em hemû bi hevre tenê li benda serkeftina berxwedana gelê Sûriyê ne.

Komciwan Mannheim