Kemal Burkay serdana şaredariya Amedê kir

 Dema Nû/Amed

Şaîr û Siyasetmedarê kurd, Kemal Burkay ku ev 31 sal bû li dervayê welat, li surguniyê dijiya di hatina xwe ya Amedê de bi şandekî ligel xwe, serdana Serokê Şaredariya Mezin ya Amedê Osman Baydemir kir.

Burkay, li avahiya şardariyê ji aliyê Serokê Şaredariya Mezin ya Amedê Osman Baydemir û cîgirên wî ve hat pêşvazî kirin.

Baydemir,  di pêşvazîkirinê de kêfixweşiya xwe ya hatina Kemal Burkay ji bo nav welat kir û hêvî kir ku ev yek bibe egera vegera wan hemû siyasetmedar û rewşenbîrên kurd ku ji welatên xwe hatine nefîkirin.

Baydemir, herweha balkişand ser pêwistiya hevkarî û yekîtiya hêzên kurdan ku tifaqa navbera xwe xurtir bikin.

Baydemir, di serdanê de du diyari pêşkêşî Kemal Burkay kir.

Burkay jî, di hevdîtinê de xweşhaliya xwe ji bo serdana vê şaredariyê eşkere kir ku amed bajarekî qedîm e û ji bo kurdan payebilin e. Burkay, di axaftina xwe de pesnê serokê vê şaredariyê da ku çendî zixmetên baş bo gelê xwe kiriye û ji Baydemirî hêviya xizmetên din jî kir.

Burkay, di berdewamiya axaftina xwe de balkişand ser çareserkirina pirina kurdî û pêwistiya diyaloga di navbera aliyên kurdan de jî…

Burkay di heman rojê de serdana serokê  Şaredariya Surê Ebdullah Demîrbaş jî kir. Burkay, ji aliyê serok û cigirên şaredriyê ve hat pêşvazikirin. wî di serdna xwe de xwest ku hesara ku i ser Ebdullah Demîrbaşî  danîn û nikare derkevayê welêt bê Kirin û tedewiya wî bê kirin.

Herweha şevê din ji bo hatina burkay, merasimeke xwarinê ku ji aliyê Partiya Maf û azadiyan HAK-PARê ve  li Salona Otêla Kervanserayê hatibû berhevanîn, hat dayîn. Burkay, ev roj serdana heman partiyê kir.