¨SILÊMANIYE-2004/09-04- Ez niha li Silêymaniyê me, rewşa min gelek başe. Ez ducaran çûm Bajarê HELEBÇÊ û min serdanek li Şehidên me kir. Ev herêma gelek xweş û peşketî ye.Gelê me bi dilxweşî û bextiyarî welatê xwe ava dike. Ewletî û rêvebirina vê herêmê zaf pekhatî ye. Li her derê leşker û polisê kurd gelê xwe dipareze.Geşbûnek xweş di nav gel de heye.

Piştî Kek Mesûd bû serokê rêvebirina hukumete Iraqê, alozî û şer ji alî terorîst, milisên Sadam û kevneperestan zêde bû. Ji ber vê yekê berpirsiyarên kurd ên di rêvebirina hukumeta Iraqê de komcivînek çêkirin, piştre Kek Mesûd li gel rêvebirêin Ereb û Şiiyan jî komcivinek darxsitin. Nunerin Kurd ên di hukumetê de bi yek dengekî piştevaniya Serok Mesûd kirin û bi her awayî li dijî terorîstan ew ê têkoşîn bikin, heta ewê leşker û pêşmergeyê Kurd li gel hêzên amerîka li wan bajarên terorîst lê hene bi hevre li dijî terorîistan şer bikin. Li gor axagdariyan 5.000 leşker û pêşmergên Kurd şandin wan herêman daku alikariya hêzên amerîkayî bikin, li dijî terorstên alîgirên Saddam û yên Îslamî. Terefterên Şîî û ereb ên di hukumetê de ne ewqas bi dilsozî piştgiriya Serokê Hukumetê Kek Mesûd dikin. Ew herdem astengî û nerazîbûna xwe nişan dikin.

Li Baxdayê, Felujcê û Necef şerekî xurt li dijî terorîst û mîlîsên Saddam têt kirin. Bi balafir û helikoptêran li hawayê êriş dibin ser wan bajaran. Serleşkerê Emerîkî ferman da ku di demek kurt de ewê terorîstan bi alikariya hêzên netweya ereb-kurd wan ji wan herêman paqij bikin. Wusa xuya ye ku ewê şerek giring bête kirin û dûr û dirêj bidomîne.

Dewletên cîran  wek Îran,Tirkiye û Suriye bi her alî de dijatiya qanûna demî ku pesinandina Federasiyona Demokratik a Iraqê dikin. Di herêma Federasiyona Iraqê de çalakiyên xwe en siyasî û şeri xurt kirin û mecal û keys nadin ku hukmet û rêvebirên fermî ên federasiyona Iraqê bigihên armanca yasayên bingehî-anayasa-referandûm û helbijartina giştî ji bo damezrandina dewletek demokratîk li Iraqê.

Li herêma başûrê Kurdistanê hevdengiyek û hevrengiyek netewi tekûz û geş dibe. Rêvebir û rêxistinên demokratîk konferans û semîneran çê dikin. Li hemû heremê rexistinên xwe damezrînin, bi xweşbînek netewi-kurdi bi hevre karûbarê xwe didomînin. Li her sazûman û avayên fermî ALA Rengîn li asumanê azadî wek bûkek kurd bejnûbal dide.

Li Kerkûk û Mûsilê çend êrişêin terorist ên ji terfê neyarên gelê me de hatin kirin bê bersiv neman. Ew herdu bajaran  bûne armanca êrişên wan. Neyar u xêrnexwazên gelê Kurd naxwazin  aramî ewletî di herdu bajaran de çêbe. Lê, tevger û hukumeta heremê bi her awayî bi rêyên demokratik sazûmanên fermî û sivîl dê damezrînin.Mirov bi dilxweşî dibîne ku Kurd di warê avakirina rêxistinî de gelek pêngavên baş avêtine. Bi birûbaweriya min Federasiyona Kurdistanê di peşerojê de, ne tene li hundirê sinorê Iraqê de, di cografiya Rojhilata Navin de bibe numûneyek demokirasiya hemdemî ku dewletên di ve cografiye de cîran jê ders û tecrube bigrin.

Ji bo azadkirina netweyê kurd li Başûrê Kurdistanê, gav û pêngavên serfiraz didomin. Lê ji bo avakirina Kurdistana Federatif divê bi her awayi; bi zanin, aborî piştevanî bête kirin. Divê em kurd bi her awayi piştgiriya xwe bikin ku em bi hevre bi baxtiyarî li welatek aza de di vi Cihande jiyanek xweş ş dilşad bibîinin.

Di gel silavên germ ji Kurdistana Azad

Îro roja salvegera rizgarbûna ji rejima Saddam û zilma Bassên faşîst e!
Bila ev roj Piroz be li gelê Kurd û Ereb!

Şoreş Zîrek