Kek Newroz merasima xelatan rêve dibe...
M:E: Bozarslan xelata ARAS da F. Kakeî
Beko Saydan Xelata Jurgen Hoppe dayê
Rojnamevanê almanî Jurgen Hoppe

KOMKARê Îsal xelat dane "Weşanxaneyên Kurdî" û Jurgen Hoppe

Di roja dawîn ya "Pêşangeha Pirtûkên Kurdî " de, KOMKARê xelatên xizmeta çanda kurdî da sê weşanxaneyên kurdî û weşanger û rojnamevanê alman Jurgen Hoppe. Wek tê zanîn ev cara sêwemîn e ku KOMKAR xelatan dide kes yan jî dezgehên ku xizmet pêşkêşî ziman û çanda kurdî kirine.
Weşanxaneyên ku xelat wergirtin ev bûn: APEC(Stokholm), DENG (Istenbol) û ARAS (Hewlêr).

Xelat bi destê Mihemed Emîn Bozarslan, Yilmaz Çamlibel, Haluk Ozturk û Beko Saydan hatin pêşkêşkirin. Ji bo bi dest wergirtina xelata APECê Alî Çîftçi, ya DENGê Ozgur Basut, ya ARASê Felakeddîn Kakeyî û herweha Jurgen Hoppe beşdarî merasima xelatwergirtinê bûn. Rojnamevan Jurgen Hoppe ji ber helwesta xwe ya erênî û xizmeta xwe ya hêja ya ji bo pêşxistina ziman û çandên gelên koçberbûyî, layîqî qedirgirtin û xelatê hat dîtin. Ew rêvebirê weşanê yê Radyoya WDR ye. Vê radyoyê di sala 1978a de dest bi weşanê kirîye û ji wê demê heta niha bi navê "BERNAMA KURDÎ" (berê tenê li Dortmundê, lê niha li seranserî Almanyayê) bi zimanê kurdî bernama radiyo diweşîne.

Haluk Öztürk xelata Weşanxana APECê pêşkêsî Alî Ciftcî kir.	"Bila xelata we weşangerên kurd weke şîrê diya we li we helal be!" got Yilmaz Camlibel û xelata DENGê da destê Özgür Basut, bi îtinîna, bi dilovanî... Mîna ku emanetekî hêja yê bav û kalan teslîmî nivşekî teze bike..