Yusuf Budak

Miletên ku li ser erdê dinê bûne dewlet û pêşde ketine hemûyan, ji yekê zêdetir partîyên xwe hene. Bê partî tu miletek pêşde naçe û nabe civaka şareza(medenî). Lê belê hemû partî jî gelan xilas nakin. Ango bo gel mirin, kuştin, gorî bûn û piranî girîng in; ne tenê çareserî ne. Ya helên girîng perwerde bûn, pêşeroja xwe zû dîtin, komelîyatî, çêker fikirandin, kamil bûn û bi zaneyî têkoşîn dayîn e. Bi teybetî van tiştana jî bi mirovên zana va giridayî ne. Gor min berfireh fikirandin, têw kirina rengên heyî ye û pêşeroja xwe zû dîtin e.

Ji ber vê yekê, ez çavên xwe li rewşên Partîyên Kurdistana Bakur digerînim û ji wan partîyên Kurd „Partiya Sosyalîsta Kurdistan „ dibînim. Piranîya mirovên Partiya Sosyalîsta Kurdistan li dervayî Kurdistanê û Kurdistana Bakur de partîya legal de û komelan de bi zaneyî têkoşînê dikin û kamil in. Hêjmara wan gor gelê Kurd ne zêde ye. Lê belê ew bawarîya xwe bi xwe tînin, bi gotinên xwe û kirinin xwe va navbera gelê Kurd  de wakû nimûne ne. Nas û dostên wan bi wan ra dilşa ne. 

Ji ber ku mirovên Partiya Sosyalîsta Kurdistan sîstema federasyon û yekitîya gelê Kurd wakû rêber dane pêşîya xwe. Lê mixabin yekitîya gelê Kurd û sîstema federasyon jî zehf giran tê neqişandin. Heya ku civaka Kurd li Kurdistana Bakur kamil nebe teq û rek jî berdewam e. Lez û bez, quretî jî xesarê didin gelê Kurd. Mirovên PSK ê bêhnfirehîyê nişan didin û bi zaneyî li paş doza xwe ne û dixebitin.

Ez bi xwe Partiye Sosyalîsta Kurdistan navbera gelê Kurd de wakû „Dibistana Sîyasî„ bi nav dikim. Qedroyên PSK ê mamosteyên gelê kurd in. Mirovên ku çune wê dibistana kamil bûne û bi zaneyî dixebitin. Bêhnfirehtî bûye hevalên wan û bi xwe bawarî jî buye quweta wan.

 Qedroyên PSK ê wiha dibêjin:“Em Partiya Kurdistana Bakur in û tucar astengan bo parçeyên Kurdistanê ( Kurdistana Rohelat, Kurdistana Roava û Kurdistana Başûr ) dernaxinin.Tikilîya me bi hemû partiyên Kurd ra bi bratî ye.“ Bo vê yekê Partiya Sosyalîst a Kurdistan li Kurdistanê tê hezkirin û bi qedir û qîmet e.

Bi rastî gor min gotinên PSK ê pirr girîng in. Ji ber ku li her çar parçeyên Kuristanê, partiyên Kurd hene. Girîng e ku partiyên Kurd bi hevdû ra astengan dernexinin; di parçeyên xwe de têkoşînê bidin û bi biratî arîkarîya hevdû bikin. Mirov mala xwe ji hemû kesan baştir nas  dike û dibe sermiyana mala xwe.

Mirovên ku ji PSKê veqetiyane, piranîya wan di navbera gelê Kurd de welatparêz in û di têkoşîna miletê Kurd de kêm û zêde cîyên xwe girtine. Xuya dike ku ji wan kêm mirov li mala xwe runiştine.

Her wiha dîroka kurdan de cîyê Partiya Sosyalîsta Kurdistan kûr e, bi riçal e û paqiş e. Gor dîtina min PSK wekû hewce ye; baştir e ku bi navê xwe li Kurdistana Bakur derkevî legalê û li paş doza gelê Kurd bisekinî. Ez bi navê xwe mirovên ku keda xwe ketine nav karê  PSKê dûr- nêzik, kêm-zêde hemûyan ra spas dikim. Baş e ku Partiya Sosyalîst a Kurdistan heye.

 Ya duwem, hemû partiyên Kurd ya me kurdan in û Kurdistan bi gelê Kurd azad dibe..Emê hemû partiyên Kurd biparêzin û li Kurdistana azad de jî bi biratî havra bixebitin. Mirov li welatê xwe dibe azad.