PDK 57 Salîya Xwe Pîroz
Kir
Axaftina Burkay di Civîna PDK
da
Partî Demokratî Kurdistan-Iraq, 57 salîya damezirandina
xwe pîroz kir. Bona vê yekê li welat û li der welat civîn
û þahî têne çêkirin. Yek ji wan di 16ê Tebaxê da li Swêdê,
li Bajarê Stokholmê bû. Qasi 300 Kurd di civînê da amade
bûn. Nûnerên gelek partî û rêxistinên Kurd ji çar parçên
Kurdistanê û yên Ereb ji Iraqê di civînê da amade bûn û
qisekirin, yan jî mesajên wan hatin xwendin.
Sekreterê Partîya Sosyalîst a Kurdistanê, Kemal Bûrkay
jî di civînê da qise kir. Axaftina Bûrkay li jêrê ye:
Berpirsîyar û hevalên delal ên Partî Demokratî Kurdistan!
Guhdarên ezîz!
Partî Demokratî Kurdistan-Iraq 57 salîya damezirandina
xwe pîroz dike û em jî îro tevî wan bi dil û can vê roja
delal pîroz dikin.
57 sal emrekî dirêj e. Lê ev emr her usa jî bi kar û xebateke
mezin, bi berxwedaneke dûr û dirêj xemilandîye. Rêyeke çetin
e, berjêr û berjor e û îro jî berdewam e.
PDK di vê rîya dirj da pêşengîya
şoreşa Kurd kir li Kurdistana Başûr, bû rêberê
gel, ew hişyar û rêz kir. Her usa jî bû ronahîyeke
xurt ji bo hemû parçên Kurdistanê, agirê welatparêzî di
dilê hemû Kurdan da geş kir.
PDK û bi awayekî giştî Kurdên Başûr bedêleke
mezin dan di vê dema dirêj da. Bi sedhezeran law û keçên
xwe yên hêja winda kirin û welat çend caran ser û bin bû.
Lê her usa jî serketinên mezin bi dest xistin.
İro êdî tevgera Kurd di vî parçeyî da giha qonaxeke
nu. Kurdistana Başûr serbiser rizgar bû û kar û barê
vî parçeyê welatê me êdî bi destê Kurdan bi rêva diçe.
Li vir parlamen û hukumeta Kurd heye. Zman û çanda Kurd
li vir azad e. Kurd ji dibistanê heya zanîngehê di mektebên
xwe da dixwînin.
Ev serbilindîyek e, şahîyeke mezin e ji bo hemû Kurdan.
Roleke mezin û esasî ya PDK heye di van destkevtinan da.
Em avakirên PDK, ku piranîya, belkî temamîya wan îro êdî
ji jîyanê koçkirine çûne, pîroz dikin. Em hemû kesên ku
para wan di kar û xebata vê partîya mezin da heye pîroz
dikin û bi hurmet tînin bîra xwe. Em Serokê PDK yê mezin,
Mistefa Barzanîyê nemir bi hurmet tînin bîra xwe.
Hevalên delal,
İro li Kurdistana Başûr firsendeke delal bi dest
Kurdan ketîye. Beşekî welatê me azad bûye. Lê hîn jî
xeter hene. Dijminên me yên xwînxwar, zalim û bê vîcdan
ji vê yekê gelek aciz in û li firsendan digerin ku vê cizîra
azadîyê ji dest Kurdan bigrin û hertiştî gor dilê xwe
bi şunda vegerînîn. Helbet ew daxwaza wan ê qirêj bi
ser nakeve, çerxa dîrokê bi şunda venagere.
Lê dîsa jî divê Kurd gelek hişyar bin, tedbîr ji dest
bernedin. Hişyarî, yekitî û çalakîya Kurdan e ku rê
nade dijminan. Kurdan di van mehên çûyî da, di dema Þerê
Kendavê ya Duduyan da ev hişyarî, yekitî û jîrî ya
xwe nîşan dan. Li welat û li derwelat rabûn ser pîyan.
Divê ev helwest ji nuha pêve jî berdewam be.
Em ji yekxistina Parlamena Kurdistanê gelek dilşa
ne. Em hêvî dikin ku ev kar û xebata di navbera PDK û YNK
ji bo yekxistina hukumetê jî rojekî berê bi serkeve.
Li Iraqê sazîya berê ya zalim û zordest hilweşî, ew
jî bo gelê me yê Kurdistanê û ji bo hemû gelên Iraqê bûyereke
mezin û pîroz e. Lê kevir hin li cîyê xwe rûneniştine.
Hevalbendên sazûmana berê hîn tevlihevîyê derdixin. Ev sazûmanên
din ên zordest li heremê jî di alî xwe da tevdidin.
Em hêvîdar in ku ew kar û xebata xiraban bi ser nakeve
û guhartin gor daxwazên milletê Kurd û hêzên demokratîk
wê bibe û aramî û aşitî bê Kurdistanê û tevayîya Iraqê.
Di rewşeke aram da Kurd û gelên Iraqê yên din wê bikaribin
sazîyeke teze, federal û demokrat ava bikin.
Em di vî warî da piştgirîya daxwazên Partî Demokratî
Kurdistan dikin. Em piştgirîya daxwazên Parlamena Kurd
dikin.
Divê li Iraqê li ser esasê wekhevîyê sazîyeke federal çêbe.
Kurd welatê xwe bi xwe îdare bikin û di hukma merkezî da
jî xwedî rol û par bin.
Em hêvî dikin ku li Kurdistanê ev destkevtîyên di warê
demokrasîyê da bên parastin, bên xurtkirin û jîyana demokratîk
cîyê xwe bigre, pêşva biçe. Em bawer in ku di jîyaneke
demokratîk, pirdengî û zelal da Kurdistan wê gelek pêşva
biçe, avadan be, di alî aborî, sîyasî û çandî da bigihîje
welatên pêşketî.
Kurdistan welatekî delal e, bi heyîyên sererdê û binerdê
dewlemend e û kar maye ser hişyarî û xebata me Kurdan.
Divê dewletên dorê, bi taybetî Tirkîye, ku tim li Kurdan
laf û gefan dixwe, têkilî karê Kurdistana Başûr nebe,
dev ji sîyaseta tehdîtkar û êrîşger berde.
Derdê Tirkîyê di nav sînorên xwe da ye. Dema heqê bîst
mîlyon Kurd nas bike ev derd derman dibe. Ev jî dîsa li
ser esasê wekhevîyê û bi şiklê federalîyê dibe.
Hevalên delal,
Ji bo 57 salê PDK û ji bo vê kar û xebata, berxwedana mezin
û ji bo van serkevtinên delal em we careke din pîroz dikin.
Hûn Kurdên Başûr heya duh partî bûn, lê êdî dibin
dewlet, çi bi şiklê federal, çi bi şiklê serbixwe.
Her serkevtî bin.
Emrê Partî Demokratî Kurdistan dirêj be.
Aramî û aşitî jî bo kurdistana Başûr!
Azadî jî bo hemû Kurdan, jî bo hemû parçên Kurdistanê.
Kemal Burkay
Sekriterê Giştî
Partîya Sosyalîst a Kurdistan
16 Tebax 2003
