Daxuyanîya Partiya Sosyalist
a Kurdıstanê
Wekî tê zanin, rojnama Tirk Akşam, di hejmara xwe
ya 4ê Tebaxê da di derheqa Burkay’da xebereke derew weşandibû.
Di binê xeberê da wek nûçegihan navê Newzat Bîngol jî hebû.
Newzat Bîngol li ser vê yekê ji me ra nameyek şand
û çîroka vê xeberê di alî xwe da zelal kir. Daxuyanîya wî
li jêr e.
Bi vî awayî, xeber çawa gihaye Akşamê zelal dibe.
Lê ev xebera derewîn bi destê kê gihaye Dîcle Haber Ajansi
(Ajansa Xeberan ya Dîcle) ev hîn ne zelal e. Lê ev yek mihîm
e. Xuya ye plan û dezgeyek heye li pişt vê xebera derew.
Lê tiştek tê fêmkirin ku serkanîya vê dezgeyê digihîje
hin kesan ku li Elmanya dimînin, yan jî ev kes bi destê
hinekan têne bi karanîn. Roja ku ev xeber di rojnama Tirk
Akşamê da derket, yekî bi navê Fuat Akpinar jî bi rîya
e-maîlê nameyeke sê rûpel ji der û dor ra şand ku tê
da, bi şiklekî bê edebî êrîşî Kemal Burkay û PSK
dikir, her usa jî dereweke mîna Akşamê dikir, digot:
”Ez sedî sed dizanim ku Burkay 10 roj berê ji bo tatîlê
û bi dizî çûye Tirkîyê û nuha li wir e!” (Gor gotina wî,
Burkay di 24ê Tirmehê da çûye û hîn li wir e…)
Lê di wan rojan da Burkay li Stokholmê bû û neçûbû tu derekî.
Wî her roj li Komela KOMKAR’ê li Alwîkê, bi dehan kes dîtin.
Wek nimûne: Di 25’ê Tîrmehê da (roja înê) Kesra Cîgerxwîn
û Mehamî Osman (ji Surîyê) hatibûn komelê bo dîtina Burkay..
Dîsa di 27’ê Tîrmehê da (roja yekşemê) Kesra
Cîgerxwîn, Zubeyr û Mehamî Cemîl (ji Surîye) ra li KOMKAR’ê
rûniştin û sohbet kirin. Eynî rojê Dr. Cuwan Batû û
nivîskar Laleş Qaso jî hatibûn komelê û tevî sohbetê
bûn. Di dema sohbetê da gelek hevalên Burkay jî li wir bûn.
Meriv dikare vê lîsteyê dirêj bike, lê ne hewce ye.
Ev roja ku (4’ê tebaxê) ku Fuatê mufterî bi israr digot
”Burkay li Tirkîyê ye), Burkay li Stokholmê-Alwîkê, di komela
KOMKAR’ê da bî rîya têlefonê beşdarî programa MED-TV
a ”Gûne Bakiş” bû û ew xebera derew eşkere kir.
Her usa jî eynê rojê bi rêvebirê malpera Kerkûk.Kurdistan
(birêz Arif Zêrevan) û gelek kesên welatparêz ra bi têlefonê
yan jî bi rûberû qise kir.
Ev Fuatê derewîn, mufterî û bêsewîye jî di vê dezgeyê da
wek maşik bi kar tê û bi vî şiklî dijî Burkay
û PSK kîna xwe vedirêşe. Burkay fedî dike ku mirovekî
han wek muhatab bigre û bersîva wî bide.
PSK-Buroya Çapemenî
...................................................................
Daxuyanîya
Newzat Bîngol:
Merhaba,
Ez Newzat Bîngol, berpirsîyarê Show-TV, Skayturk
û rojnama Akşamê me li Dîyarbekrê. Va ye 10
roje jî li İstembolê bi îzin tatîlê dikim.
Min ev xeber ji Dîcle Xeber Ajansî bihîst ku Burkay
hatîye Tirkîyê. Her çiqas li tatîlê bûm û
min bi vê xeberê bawer ne kir jî, wek rojnamevan min mereq
kir û ev xeber gihande İstembolê-rojnamê û min got
bila nûçegihanê İzmirê lê binêre, rast e yan ne rast
e û ji dawîyê min agahdar bike. Lê roja dinê Seher Dîlovanê
ji min ra têlefon kir û pê hesîyam ku xeber di rojnamê da
derketîye. Ez mirovekî usa me ku heya xeberekî çek nekim
(qontrol nekim ku rast e yan ne raset e), bo weşandinê
naşînim, di vî warî da gelek bi dîqqetîm. Ehlaqê minê
rojnamevanîyê rê nade vê yekê. Hûn dikarin min ji hevalên
xwe yên Dîyarbekrê û û ji Seherê jî bipirsin. Di vê bûyerê
da tiştê ku min kir, min xebera ku ji DHA girt gihande
navendê û ji wan xwest ku lê bigerin, bipirsin rast e yan
ne rast e.
Lê piştî ku xeber derket min acizîya xwe gihande
navenda rojnamê û bi wan ra nîqaş kir. Gotin nûçegihanê
wan ê İzmîrê xwe ne êşandîye ku lê bigere xeber
rast e yan ne ras te û testîq kirîye.
Piştî ku xeber derket min daxuyanîya birêz Burkay
jî dîsa ji DHA girt û ji rojnamê ra şand û roja dinê
bêyî ku kelîmek bê guhartin min ew da weşandinê. Ez
hîn jî li tatîlê me. Min xebera ku di malpera we da derketîye
teze xwend û her usa jî min hewce dît ku vê daxuyanîyê derînim
û ji we ra bixşînim.
8. 8. 2003
-----------------------------------
(Seher Dilowan xwarzîya Burkay e.)
