Mam Celal pêşwazî li Mesûd Tek kir

Li Hewlêrê Serokomarê Iraqê Celal Talabanî pêşwaziya Sekreterê Giştî yê Partiya Sosyalîst a Kurdistan-PSK Mesûd Tek kir.

Dengê Azad/Hewlêr

Duhî li Hewlêrê Serokomarê Iraqê Celal Talabanî û Sekreterê Giştî yê Partiya Sosyalîst a Kurdistan-PSK Mesûd Tek hevdîtinek pêkanîn.

Di hevdîtinê de Mesûd Tek ji ber dubare destnîşankirina wî ya Serokomariya Iraqê û dubare hilbijartina wî wek Sekreterê Giştî yê YNKê pîrozbahiya xwe pêşkêşî Celal Talabanî kir.

Celal Talabanî jî xweşhaliya xwe bo vê hevdîtinê diyar kir û girîngiya diyalogê di navbera hêz û partiyên siyasî ên Kurdistanê de anî ziman.

Herweha di hevdîtinê de rewşa siyasî ya Kurdistanê bi giştî, Tirkiyê, navçeyê û dinyayê hate nirxandin.