Peyama Newrozê

Gelî xwişk û birayên hêja,

Li seraserê Kurdistanê, em cejna xwe yê netewî di hel û merceka taybet û hestyar da pîroz dikin.

Pêla guhartin û berxwedana sîvîl û demokrat bi ser navçeyê Rojhilata Navîn, Afriqayê Bakûr û welatên Kendavê yên Ereb da girtiye û tirs û lerzekî mezin xistiye dilê rejimên diktatorên wan herêman.

Pêla guhartinê her usa tirs û lerza dewletên dagirkerên Kurdistanê pirtir kiriye. Diktatorên navçe û dewletên dagirkarên Kurdistanê bi hemu hêz û teqetên xwe ve bona peşi lê girtina pelên guhartinê hewl didin.

Lê bele dîrok şahid e, ku hemu kar û hewl û cehda dagirkeran badilhewa ye. Ew nikarin pêşiya xebata aşiti, azadi û demokrasiyê bigrin, nikarin bibine asteng li ber çerxa zamanê, ku berê wê hertim ber bi pêş e.

Gelî hêzên welatparê û demokrat,

Evîndarên azadî û aşitiyê,

Herwekî ji bo me hemu eyan e Newroz her usa sembola yêkitî û berxwedan e, mizgîniya serketinê ye.

Werin em xebata sîvîl, aşitîxwaz û şiveyên din yên serdemî bikine hevîna berxwedana xwe,

Werin ji bona bi dest xistina mafen xwe yên demokratîk û netewî, ji bona jiyaneka azad û bextewar milên xwe bidine hev, kar û xebate bikin, daku bikarin mizgîniya serketinê, mizgîniya Kurdistana azad û demokratê bidine şehidên xwe.

Gelî xwişk û bira,

Bi van hestan Newroza we pîroz dikin.

Hemu rojên we Newroz Newroza we pîroz be!

Adara sala 2011

PSK-Partiya Sosyalîst a Kurdistan