“Bi hilbijartina cenabê te,  dilê gel û dostên me şad, dijmin û nahezên me jî reş bûne”.

Sekreterê Giştî a Partîya Sosyalîsta Kurdistan Mesud Tek, peyameka pîrozbayî şand bo Fuad Mehsun û dilxweşîya xwe derbareyê hilbijartina wî wekî serokê Encumenê Niştimanî Îraqê dîyar kir. Peyama Mesud Tek bi vî awayî ye:

Bo Fuad Mehsun, Serokê Encumenê Niştimanî Îraqê,

Dostê hêja,

Hilbijartina cenabê te wekî Serokê Encumenê Niştimanî Îraqê, serbilindîyek e ji bo hemû Kurd.

Em piştrast in, ku bi hilbijartina cenabê te,  dilê gel û dostên me şad, dijmin û nahezên me jî reş bûne.

Hilbijartina kurdeke tekoşer, jêhatî û xudantecrubê ji bo postê Serokê Encumenê, gaveke giring e, di xebata cigîrbûna demokrasî, federasyon û pluralîzm li Îraqê da.

Ez bi navê hemû endam û alîgîrên partîya xwe, di vê karê pîroz da serketina cenabê te dixwazim.

Bi silavên dostî...

Mesud Tek
Sekreterê Giştî

05.09.04