Sekreterê Gîştî a PSK Mesud Tek, peyameka pîrozbayî şand bo Kemal Burkay, ku li İtalyayê, “Xelata Premio Cremona” vergirtiye. Peyama Mesud Tek bi vî awayî ye:

Hêja Kemal Burkay,

Me bihîst, ku cenabê te, bi helbestê “Hêlîn” ve, “Xelata Premio Cremona”, ku ji alîyê beledîya bajarê Cremona li welatê Îtalyayê tê dayîn, vergirtiye. Ev yeka dilê me jî wekî dilê hemu Kurdên dilsoj û xemxurê edebîyata Kurdî xweş kir.

Cenabê te, bi vergirtina vê xelatê ve, bona bîrûrayê cihanê careke din nişan da, ku gelê Kurd çawa bona azadîya welatê xwe şerker e, amade ye hemû cure fidakarî bike, lê her usa jî xweyîyê şaîr, nivîskar, wênekêş, heykelsazên jêhatî ne.

Em bawer in, ku  “Xelata Premio Cremona” wê bibe sengerek bona nasandina edebîyata Kurdî di warê navnetewî da.

Ez bi navê hemu endam û alîgirên partîya xwe, pîrozbahîya xwe peşkeşê cenabê te dikim. Ez bawer im, ku hemu Kurdên dilsoz serbilind e, ku helbestvanên Kurd li derwayê welat, li İtalyayê, ku welatê  ronesans û pêşketinê ye, xelat vergirtiye.

Em emrekî dirêj bo cenabê te dixwazin.

19.05.2004

Mesud Tek
Sekreterê Giştî