Ragihandin:
Divê Dewleta Tirk
Rêz Li Daxwaz û Armanca Kurdên Başur Bigre!
Paş eşkerê bûna proseya avadankirin û nusazîya
İraqê, Kurdên Başûrê jî proje û bernama xwe bona
duwerojê İraqê pêşkeşê raya giştî kirin.
Usa xuya ye, ji ber vê projeyê, şoven û nijadperestên
Tirk, ji nijadperest û şovenên İraqê pirtir ecîz
bûne.
Hêzên sîyasî yên Kurdistana Başur heya îro gelek caran
îlan kirin ku dijî perçebûna İraqê ne, İraqeke
demokrat û federal dixwazin. Herweha îlan kirin, ku li ser
Biryara Parlementoya Kurdistan ya derberayê federasyonê,
pêgir in û ji vê biryarê paşve nakêşin.
Dijmin û neyarên Kurd li Tirkîyê, ji pêşkeşkirina
projeya federasyonê û biryara yekxistina hukumeta Kurdistanê,
dîn û har bûn. Hukumeta Tirk, leşker û -bilî ji çend
rojnemevan û niviskar- rojname û televîzyonên Tirk, bi hevra
gefa Kurdên Başûr dixwin, “daxwaza federasyonê û Kerkukê
ji bîr bikin” dibêjin.
“Divê demografî û demokrasîya İraqê neyê xirab kirin,
ji ber vê yekê me hişyarîya xwe yê pêwist da” dibêje
Vezîrê Karûbarê Derweyê a Tirkîyê. Û bi vê gotînê xwe va
carekî din nişan dide, ku gava pirs û pirsgirêka Kurd
were holê, dewleta Tirk guhê nade prensîbên dîplomasîyê.
Ji ber ku Kurd neteweke eslî ye li İraqê, û mafê wî
jî heye bona duweroja welatê xwe raman û projeyê xwe pêşkeş
bike. Gava dewleta Tirk rêz li daxwaz û armanca Kurdên Başure
negre û gefa wan bixwe, ev tê vê wateyê, ku dewleta Tirk
destê xwe dirêjî kar û barên hundurîyê İraqê dike.
Berhemên vê sîyasetê, aloztir û ne aramtir bûna navçe ye.
Ji bona vê yekê jî divê dewleta Tirk dev jê vê halwesta
xwe berde. Şuna wê bona çareserkirina pirsa Kurdî li
Tirkîyê kar û xebat bike.
Hêzên azadîxwaz, demokratên Tirkîyê, divê li hemberê gef
xwarina dagirker û şoven û faşîstên Tirk bê deng
nemînin, bona ku hukumeta Tirk rêz li daxwaza Kurdên Başur
bigre, kar û xebat bikin.
Koma Milletan, Dewleta Yekbûyî a Amerîka, Birîtanya û dewlet
û sazîyên din, ku di pirsa İraqê da teref in, divê
dijî helwesta Tirkîyê, ku pêpeskirina prensibên navnetewî
ye, dengê xwe bilind bikin, nehelin Tirkîyê destê xwe dirêji
kar û barên İraqê bike.
Divê hemu Kurd, -ci l i welat, çi li derwayê welat- parezvanê
biryara Parlamena Kurdistanê bin; vê biryarê wekî ronîya
çavên xwe biparêzin. Divê hezên welatparêzên Kurdistana
Başur, pêş hemî herdu hezên sereke PDK û YNK,
yekitîya xwe hin xurttir bikin, bona avadan kirin û nusazîya
welatê xwe, bernameyên hevbeş amade bikin.
PSK-Partîya Sosyalîsta Kurdistan, di vî warê da, wê erkên
xwe bi cî bîne, hazir û amade ye ligel rexistinên din va,
kar û xebatên hevbeş bike.
Partîya Sosyalîsta Kurdistan
28.12.03
