| |
|
XONÇÊ SIFRÎ
|
|
2023-01-23 21:16
|
|
Suphi Aydın
|
|
|
Ini bajar Varna ez kerda gej,
kerda dîwani.
Tomatîyes, îsuat kuehe, tewa di masê qalqan,
radyo ra meqam deyr Dengiz Sîey ‘ ha leyro ’
reqî ha bilûr da sê şit şêr, anason,
wî qay hend weşa buêyê anason,
sê embazon, birayon yen vatiş zon mi...
Hin besa îslah bi, hişyar bi hal mi...
Ini bajar Varna ez kerda gej,
kerda dîwani...
Varna, 06.06.1957
BAN Û XEBATKAR
Xebatkar deyron von,
la ban oter rehat sê deyr vatiş nivirazîyên.
Ini gure binê na zûar.
Zerrê xebatkaran
sê ruejê rueşonon weşa,
la cawo ko tedi xebat bena sê ruejê rueşon nû.
Cay xebat di tuez, herr,
çamûr, vor esta.
Gurî ser di lingê tu cara şena,
dêst tu mîyan guên di monên.
Gurî ser di nîe çay tim şîrin û germin a,
nîe nan tim sê pemî nermik,
nîe herkes egît,
nîe zî duêst tim holê kên.
Ban sê deyr vatişona nivirazîyên.
Ini guri binêna zûar.
Zuar, mar
la ban ruej bi ruej bên berz.
Xilîk vilikon nay rue penceran di
qat cêrînan di.
Milçîk peron xwi di tîj kirîyeşên
çardaxan newan.
Bena gulpe gulpê zerr
helag kerê, kerpîç nîyên pîyeser.
Bên berz, bên berz
tor guên û arîyêq a ban.
1955
MEHMET
Alîyê hemberê min de welat,
ji bajarê Varnayê bangê te dikim,
deng tê te,
Mehmet, Mehmet.
Bêwestan diheriqê ava Behrareş,
ji hesretê dîn û har, ji hesretê gêj,
lawê min ez bangê te dikim, deng tê te,
Mehmet, Mehmet!
Varna, 29.05.1957
WESÎYET
Hogirno, ger nesîb nebe dîtina wê rojê,
dibe ku ezê bimirim berê roja rizgarbûnê,
bigrin bibin,
di goristana gundekî Anatolîyê de gor bikin min.
Alîyekî min de bila rençber Osman raze
yê ku Hesen Begê dabû kuştinê
û binê çavderê de çok dabû erdê ku bîne dinê zarok
Şehîd Ayşe ku hîna çil salîya xwe da bû, raze alîyekî min da
Bila di binê goristanê ra derbaz bibin tiraktor bi stranan
di dema berbangê de bîhna însanê teze û a benzînê
Zevî xetkirî û coyan da av
ne xema hişkayî yê û ne jî tirsa cendirman
Helbet emê nebihîzin ev strana
di binê erdê da radizin, dirêj dibin
diçilmisin fena ajkê reş mirî
di binê axê da kerr, kor, bê ziman.
Lê min ev sitrana gotîye
hîna ku ew nehatibûn sazkirin
bîhn kirîye min benzînê şewitî
hîna ku ji resmê tiraktoran jî nehatibû çêkirinê.
Ger hûn cîranên min yên bêdeng bipirsin, Şehîd Ayşe û Rençber Osman hesreta herî mezin kişandine di jîyana xwe da divê ku ew vê yekê nehesîyabin jî.
Horgirno, ger bimirim ji berê wê rojê, - wusa jî xuya dike -
Di goristana gundekî Anatolîyê da gor bikin min
û ger hêsan bibe,
bila di ser serê min da çinarekî hebe,
kevir mevir jî divêm ne pêwîste...
27. 04. 1953 Baravahîya Senatoryumê
Xwendevanên delal, vê carê jî ji we ra wergera çar helbestên Nazim Hîkmet’ê bi zazakî û kurmancî pêşkeş dikim. Hêvî dikim ku ev xebata min bi gora dilê we be! Heyanê careka din bimînin nav aşitî û aramîyê de.
|
|
|
|
|
|