2024-03-28
Skip Navigation Links
Destpêk/Anasayfa
Pêwendî/İlişki
Lînk
Skip Navigation Links
Video
Album
Arşîv
İlhami Sertkaya
 
Xîyal ke bişikîyo
2015-05-14 11:31
İlhami Sertkaya
Zaf ney, la şenik bibo zî, xîyalê mi, çen reyî şikîya.

Xîyal ke bişikîyo, omıd zî şikîno.

Xîyal û omidî, girêdayê yewînî yê. Nê serranê peyênan de xîyalê mi, di raya şikîyayî.

!- Mi zen kerdbî ke, gerîlayî, serekê gerîlayan, no durişmeyê Ocalanî yo ke, çiman ver der o, seba sebebê hedefê gerîlayan qet çîyê

çîn o, zelal o, red kenê

No, çi heyf ke nêbî û endî ‘Turkiyayije’ ebe destê dewleta Tirkan ‘demê xo’ girewto.

2- Mi zen kerd ke, rojavayê Kurdistanî ke îşgalê dewleta Surîyayî de raxelesîyo, endî asteng nêmaneno ke, ebe dewleta Kurdistanê bakurî, benê yew.

No zî nêbî û xîyalê mi îta de zî şikîya

PYD, nê firsendî, ebe destê xo , durî kerd û keno. Xora temsîlkarê PYD yî eşkera vanê ke ‘ ma letebîyena Surîya nêwazenîme’

Loro, loro!

Nê çîyê ecêbî, nê vate û planê ‘xorî û tarîyî’ kamî kerd para welatê ma û şarê ma?

Şima pêro zanenê, zanenê!

Xora muşgulat zî no yo ke, ‘şima zanenê, la veng nêkenê’

De veng mekerê!

La, ma ra zi, mi ra zî mevajê ‘ma Kurdistano azad wazenîme’

Mevajê, çi ke ma doman nîme.

Plan ‘Turkîyayyij o, vate zî gege ‘Kurdistan o’!

Ebe kilama ‘Kurdistanî, ma bixapnê’, ebe planê entgrasyonê Tirkîyayî zî, sîyaset bikerê!

Ox! Ma zî ‘werd’.

Wa her kes rind bizano ke, her kes hewl bizano ke, yew şar, (haşa) pêro ehmaq nîyo.

Wa her kes rind bİzano ke, planê tarîyî, heta pêynîye tarî de nêmanenê.

Kamê ke xîyalê nê miletî ebe planê xorîyan şiknê û şiknenê, rojê hesab do bidê.

A roje zî do bêro!

Seba nînan ez reyêna ê persê xo pers bikerî;

‘şima ke dewlet bîyene û yew bîyena Kurdistanî nêwazenê, qey nê şarî xapnayî?’

Şima ke entegrasyon û Tirkîyayij bîyene wazenê, qey koyan de, Qandîl de, Başur de, Rojava de qalê herbî û ‘kantonan’ kenê?

Ma qey Amed de, Dersim de qalê ‘kantonî’ nêkenê?

Seba nê cayan ‘destur çîn o’ ha!

Nika zî bi nê planê ‘entegrasyonî’ weçînitîş kerdê weş. Meydanan de, nutuqan de, ancîna ne Kirmanckî, nê kirdaskî çîn o, ebe Tirkî qalê ‘çilo-pilo’ kenê.

Nê vateyî, nê çîyî xora estbî keko!

Şarê ma seba nê vateyê ke qet seba Kurdistanî çîyê çîn o, canê xo, domanê xo, malê xo, milkê xo nêda. Endî HDP, bîya leteyê partîya sîstemê Tirkîya.

A zî, seba naye, ‘kilama demokrasîye’ vana

A ‘demokrasîya ke, heqê dewlet bîyena Kurdistanî nêwazena!

Tew! Tew ke, çi tew!

XÎYALÊ Mİ YO KE ŞÎKÎYO, BAŞUR DE EWRO BERZ BENO!

Tİ WEŞ BE, BAŞUR!




Print