2024-03-28
Skip Navigation Links
Destpêk/Anasayfa
Pêwendî/İlişki
Lînk
Skip Navigation Links
Video
Album
Arşîv
İlhami Sertkaya
 
ÇEND VATEYÎ
2015-07-21 23:00
İlhami Sertkaya
Ez vana ke; heta ke dewleta ma çînî bo, qetlîamê "Pîrûsî" nêqedînê. Bê dewletîye bi xo, qetlîam o.Binê bandura dewleta Tirkî de, "hastîye, silametîye, demokrasîyê" ma ra nêna. Xora dewleta Tirkî, serê qetliamê ma ra virzîya. İnkar û qetliamê ma ke mebo, dewleta Tirkî zî nêbena. Kes "binê manga de, golikî ra megêro". Sîyaseto ke bê dewletîya ma wazena, qetlîamê ma zî (nîyetê xo çi beno-bibo) wazena. Mi ra, ma ra, binê bandura dewleta Tirkî de qalê "hastîye-demokrasîye"! Mekerê! Heta ke ma binê bandura dewleta Tirkî de bime, ê qetil kenê, ma zî "şermezar" kenîme. Şermezar kerdene, rind o,la çare nîyo. Hesabê sîyasetî zaf o. Kam ke ma qeit bikero, planê xo yê ver û dima qetlîamî de zî virazenê. Medyayê xo,vateyê xo, amade kenê. Manîpulasyonanê xo amade kenê.

Ez vana ke; qetlîamê Pîrsûsî, dewleta Tirkî kerdo, erceno İŞİD i ser o. Ya zî ebe İŞİD "i do virastene. Axir çi beno-bibo, adrêsa qetlîamî, dewleta Tirkî ya. Seba naye, luzumê çuwalê analîzan çîn o.

Ez vana ke; Kürdi gereke biaqil bê. (Mi xelet fam mekerê, mevajê Kurdî biaqil ê, ti qey nîya vana)Ney bira ney; Kurdi siyaset de zaf zî biaqil nîyê. Eke biaqil bîyêne, Rojava û Başurî, roja verî,bê veng û qal û qir, ameyênê têlewe. Rojava de cayê ke raxelesîyê, PYD yî kerdo piro vano "Kanton". Amerikayî ra mebîyêne, Kobanî qedîyêne. Rojava ke piştîya xo tayê berz keno, ancîna mesajanê negatîfan dano Kurdistanê Bakurî. Seba piştî dayena Peşmergeyan ra zêde, çend "sosyalist û çepê Tırkan" ra "minete keno". Ez vana ke; no, plan o, planêde ver bi xoserîya, dewlet bîyena Kurdistanî yo. Nê sosyalîstê marîjînalan de ke xeyr bibo, Tirkîya de "çîyê kerdêne"! Nê komê marîjînalî vanê ,"ma rojava pîya şevekna, pîya virazenîme". Gelo rast o? Kamî Rojavayî, İŞİD ê barbaran de, raxelesna? Zelal o ke quwetê koalîsyonî raxelesna.

Ez vana ke; "halkların qardeşlixî rind o", la no, çare nîyo. Sîyaset de kes "qardêşê kesî nîyo bira"! Siyaset menfaat o, keko!

Ez vana ke; domananê şarê ma, seba planê entegrasyonî" mexapnê! Seba entegrasyonî, luzumê herb çîn o!

Ez vana ke; Kurdistano Başur, ewro sey dewlete ya. çoka ke Dinya nas kena. Şima ke dewlete mebê, pancas mîyon bê zî, fayde nêkeno. Qetlîamê Pîrsûsî, ne ê verêne ya, ne zî peyên.

Ma çare?

Çare, dewlet bîyena ma ya.

Ez vana ke; Dewlet bîyene, ebe teorîyê "ekolojik û bîyolojîkan" nêbeno! Ma ra "ekolojîk û bîyolojîk" ney, dewlet bîyene lazim a.

Ma şima nêzanenê, Sezaî û Aysel ê DTP yî, çi vatî?

Ma şima nêzanenê, kamî gege bi "nameyê Kurdan"! Çi vatî û vanê?

Gelo raşt şima nêzanenê?

Ez vana ke; Na Dinya de, yew hedefê ma esto, yew çareyê ma esto, o zî, wayîrê qederê xo, wayîrê îdare û îradeyê xo, wayîrê dewleta xo bîyene ya.

Eger ke bê naye, çareyêde bîn, seba raxelesîyayîşê ma esto, kamê zanenê wa vajê.

Vajê, la ma mexapnê!

Ma zaf xapîyayîme.

Qetlîamê Pîrsûsî, xora serê nê xapnayîşê ma ra virazîna û virazîya.

Heya; şermezar bikime, lanetî ro barbaran, qetlîamkaran, gonîweran bîyame, la tenya naye kerdene, çare nîya.

Welatê ma; na Dinya de, mintiqayê ke barbarî çar hawîr estê der ê. Barbaran de "ne dîn ne îman" çîn o. Barbarî "demokrasîye, ahstîye-mastîye" nêzanenê, fam nêkenê. Barbarî tenya quewt ra fam kenê.

Coka ke; gereke ma bibime wayîrê quwetî. Gereke am bi xo, xo bişeveknime. Gerekê ordîya ma bibo.

Gelo ez, ordî, herb û pirodayîş ra zaf hes kena? Ney! La ez "rastîye ra" hes kena. Rastîya ma, na wa.

YA MA ZÎ BEŞE KENÎME XO ŞEVEKNENÎME, SEBA NAYE QUWET Û ORDÎYÊ MA BENO, YA ZÎ, MA BİNÊ QUWETÊ BARBARAN DE BENİME PAN Û PUÇ!

Pîrsûs; sêneyê to de, 32 kesî şehîd bîyî. Hîris û di xortî, hîris û di gulî.

Pîrsûs; heta ke ti bibê "Suruç", ma, dawakar îme.

Pîrsûs; Naye rind bizane ke, herêy bibo zî, çila azadîye, çila xoserîye, sêneyê to de beno berz.

Pirsûs; no, slogan, no, ajîte nîyo. Gonîya nê şarî zî, "awe nîya".
Print