2024-03-28
Skip Navigation Links
Destpêk/Anasayfa
Pêwendî/İlişki
Lînk
Skip Navigation Links
Video
Album
Arşîv
İlhami Sertkaya
 
VER Bİ VÎNDÎBÎYENE
2016-02-01 23:17
İlhami Sertkaya
Şima, ver bi vîndîbîyayîşî şonê.

Vîndîbîyayîşê şima, bêveng o.

Na Dinya de, merdena tewr xirabe, merdena bêvengîye ya.

Na Dinya de, vîndîbîyayîşo tewr xirab, vîndîbîyayîşo bêveng o.

Çimo ke qayt keno, nêvîneno, o çim zaf bîyo kor.

Goşo ke, veng gêno, nêheşêneno, nêwazeno biheşêno, o goş, zaf ker o.

Aqilo ke,waneno, newazeno fam bikero, o aqil zaf xirab o.

Kam ê ke kerdê wayîrê nê çîyan û xuyanê xiraban, ê kesi ver bi vîndîbîyayîşî şonê.

Şima ver bi vîndîbîyayîşî şonê.

Mantiqo ke qaşo şima bi fek, bi vate û teorîyan qebul nêkenê, qaşo şima bi xo xapnayene ver bi ci vecînê; yanê Asîmîlasyonê Tirkan, ziwanê asîmlasyonî kerdê fek û ruhê şima, ebe hetkar û îdareyê ê ziwanî, binê tesîrê ê ziwanî de, xorî bi xorî, xo qedênenê.

Ziwanê sîyasetê şima, ziwanê asîmîlasyonî yo.

Ziwanê kultur û teorîyê şima, ziwanê asîmîlasyonî yo.

Rakewtena şima, ravastena şima, silam û kelamê şima, ziwanê asîmîlasyonî yo.

Gelo şima rast, çi wastêne û çi wazenê?

Gelo şima nê şarî ra çi vatbî û çi vatêne?

Soz û qerarê şima, vate û meramê şima çi bî?

Şima nêvatêne ‘ma wayîrê ziwan û kamîya xo bivecîme’?

Şima nêvatê, ‘ziwanê ma, rastîya ma, bîyena ma wa’?

Ê, hê..?

Bî çî?

Ma qey şima ‘wayîrê ziwanê xo nêvecînê’? Qey şima ziwanê xo nêmisenê, qisey nêkenê? Muşgulat, asteng çik o?

De vajê; ‘derdê şima çik o’?

Şima qey xo û nê şarî xapnayî?

Qey hîna zî xapnenê?

Qey hîna zî nê şarî ra vanê ‘xo ver bidê, tekoşine bikerê, piştî bidê ma’?

Seba çi? Tekoşîna çikî? Seba çi şima nê şarî de ‘piştî dayene’ wazenê hîna?

Seba Tirkî û Tirk bîyenê?

O, xo ra est bî!

Seba Kurdistanî?

Kurdistano bê ziwan?

Lawo mekerê! Heyf o, guna wo no şar!

Bes o, kayê şima bes o.

‘Geldim,gitim, aldİm,verdİm, al û vêre’ şima bes o.

Guna nê şarî, guna nê ziwanî vileyê şima der o.




Print