| |
| ŞANDEYA PARTIYA MAF Û AZADIYAN SERDANA PARTIYA PDK-S KIR |
| 2022-01-04 20:41 |
|
Îro roja Sêşemê, Partiya Maf û Azadiyan / HAK-PAR ji bo danûstandinên bi partiyên parçeyên din re, bi serektiya Serokê Giştî yê HAK-PARê Letîf Epozdemîr, Cîgirê Serokê Giştî û Berpirsê Peywendiyên Derve Zana Sezen, Endamê Meclîsa Partiyê Ramazan Tosun, Endamên HAK-PARê Omer Kuş, Remzî Nîgît û Ebdullah Oflas serdana baregeha Partiya Demokrata Kurdistan-Sûriyeyê / PDK-S kir.
Ser navê Partiya Demokrata Kurdistan-Sûriyeyê / PDK-S, Dr. Ebdulhekîm Beşar Endamê Ofîsa Siyasî û Berpirsê Rêxistinên li Herêma Kurdistanê, Seîd Omer Endamê Komîteya Navendî û Berpirsê Ofîsa Peywendiyên Nîştimanî, Ehmed Melek Endamê Komîteya Navendî û Mihemed Şîrîn Endamê Komîteya Navendî pêşwaziya heyeta HAK-PARê kirin û guftûgo li ser kar û xebatên çar parçeyên Kurdistanê, rewşa siyasî û aboriya Rojava, xurtkirina têkiliyan û rêzgirtina xebatên parçeyan hate kir.
Serokê Giştî Letîf Epozdemîr agahî li ser kar û xebatên HAK-PARê, amadehiya ji bo hilbijartinan û li ser rewşa Bakurê Kurdistanê da û qala girîngiya rêzgirtina xebatên siyasiyên li parçeyên din ên Kurdistanê kir.
Partiya Demokrata Kurdistan-Sûriyeyê (PDK-S) ji bo xebata amadehiya hilbijartinan serkeftin ji Partiya Maf û Azadiyan / HAK-PAR re xwest.
Serdana Partiya Maf û Azadiyan / HAK-PAR piştî xatirxwestinê bi dawî hat.
NİVSÎNGEHA RAGEYANDİN Û ÇAPEMENÎYA PARTÎYA MAF Û AZADÎYAN / HAK-PAR’Ê |
|
|
|
|