2022-07-04
Skip Navigation Links
Destpêk/Anasayfa
Pêwendî/İlişki
Lînk
Skip Navigation Links
Video
Album
Arşîv
 
ŞANDEYA PARTIYA MAF Û AZADIYAN SERDANA HIZBA KOMUNÎSTA KURDISTANÊ KIR
2022-01-05 10:22


Îro roja Sêşemê, Partiya Maf û Azadiyan (HAK-PAR) ji bo danûstandinên bi partiyên parçeyên din re, bi serektiya Letîf Epozdemîr (Serokê Giştî), Zana Sezen (Cîgirê Serokê Giştî û Berpirsê Peywendiyên Derve), Paşa Akdoxan (Cîgirê Serokê Giştî), Mahsûn Çelebî û Ramazan Tosun (Endamê Meclîsa Partiyê), Omer Kuş (Endam), Remzî Nîgît (Endam) û Ebdullah Oflas (Endam) serdana baregeha Hizba Komunîsta Kurdistanê kir.

Ser navê Hizba Komunîsta Kurdistanê, Kawa Mihemed (Sekreterê Giştî), Şêx Sedîq (Cîgirê Sekreterê Giştî), Hendirîn Mihemed (Endamê Ofîsa Siyasî û Berpirsê Peywendiyan), Nebez Mistefa (Endamê Serkirdayetiyê) û Hawta Resûl (Endamê Ofîsa Peywendiyên Navendî) pêşwaziya şandeya HAK-PARê kirin û guftûgo li ser kar û xebatên çar parçeyên Kurdistanê, rewşa karkerên Herêma Kurdistanê, xurtkirina têkiliyan û rêzgirtina xebatên parçeyan hate kir.

Serokê Giştî Letîf Epozdemîr agahî li ser kar û xebatên HAK-PARê, amadehiya ji bo hilbijartinan û li ser rewşa Bakurê Kurdistanê da û qala girîngiya rêzgirtina xebatên siyasiyên li parçeyên din ên Kurdistanê kir.

Hizba Komunîsta Kurdistanê ji bo xebata amadehiya hilbijartinan serkeftin ji Partiya Maf û Azadiyan re xwest.

Serdana Partiya Maf û Azadiyan piştî xatirxwestinê bi dawî hat.

NİVSÎNGEHA RAGEYANDİN Û ÇAPEMENÎYA PARTÎYA MAF Û AZADÎYAN / HAK-PAR’Ê

Print