BAD MEHKÛM BÎYAYIS MINA

Bad mehkûm bîyayis mina
duarmalê ruêj ra des ray gêraya dinya.

Eger sima yey ra pêrs:
‘ qe pê qal mek çîko senik,
mîkroskobîk yow waxt.’

Eger sima mira pers bîk:
‘Des sêrr si emir mi ra.’

Yow qelemê mina qersûn bî
eya serrag ez kotbîya hepis.
Pê nûstisa ya yow hefte di qêdîyey.
Eger sima yey ra pers bîk:
‘Hendê yow emir waxt.’
Eger sima mira pers bîk:
‘Lîya caverd yow hefti waxt bi pîyerû.’

Wasman ko qetil ra kotbi hepis,
bad hepis kotis mina,
hot sêrr û nîyem pawit û vêjîya teber,
teber di xwirî gêyra yow waxt,
cuyapê qaçaxçîyê ra rayna kot hepis,
Ses asm hepis pawit û vêjîya teber,
vizêr mektûb yi ami, zocîyaw,
yow qij yi yen dinya wesar di.

Nikay bî des serri
bad mehkûm bîyayis mina
eyi qij ko kotib rahîmê mayan xwi ya.
Û cehnî eya serr ko ling yin derg û barî bî,
rona bî yexte – mehîn xurt û yê bar.
La leyêk dar zeytûnon honc sê xwi mênd,
hema zî lêyek qicîk.

Meydan newî virazîyey bajar mino dûr di
bad mehkûm bîyayis mina.

Û kulfêt kêy ma
yow kuço ko ez nîezona di
yow kîyo ko mi nidîw di cuyên.

Sê pêmî nerm û sipîye bi nan
eya serrag ez kota hepis.

Cuyapê pê wesîkaya êrîyeyn nan,
itîya zerrê hepis di sar dayn yowbînanir
semêd yow letê nan sîya ya.
Nikay honc nan kerd serbest
la nan bîetam û esmer.

Bad mehkûm bîyayis mina
fasil didin destpêkerd bi hema.
Qampê Dasav di hema firûn nivêsnay bî,
Bombeyê atom nestib Hîrosîma hema.

Sê risîyayis guêynê yow qij ko sarrê yi bîyer
tirakerdis vîyert waxt.
Cuyapê awi fasil qêdîya resmî,
nikay qalê fasil hîrin ken dolar Amerîka.

La honc verbo çetinayê tîj bî germ û sîrîn
bad mehkûm bîyayis mina.
Û kistê tarîyê ra
yin dêst xwi yê giron nay kerron qicon ser
sarrê xwi kerd berz û warist lingon xwi ser.

Bad mehkûm bîyayis mina
des ray gêray dinya duarmalê ruêj ra
Û honc vatê xwi zerre ra dûbare kena,
eya serrag ez kotbîya hepis
semêd yina nûst mi:
‘ Eyîg erd di muejlê,
aw di masê,
hewa di hendê mîlçikon zafî,
tersonêk, camîyerd,
cahîl, hakim
û qijî,
çi heyfo ko
eyîg pê kedê xwiya virastên yi bî,
deyron ma têyna cuyayis yin ardên zon.
Ina semed ra,
mesela des sêrr hepis di mendis mi,
verbo hîkayanê yin di çîko senik yên vînayis.

1947

Wendox zon ma yê delal, ina helbesta cuarîn yê Nazim Hîkmêt a û mi açarnaya zazakî ser. Heyonê rayna wes û war bimanên.

Suphi Aydin