Yekemîn Mihricana çandî û hunerî ya Evdalê Zeynikê li Agiriyê pêk hat

Dengê Kurdistan-Resat Heliz/Agirî

Di rojên 17-18 ê tebaxê de li Agirîyê Yekemîn Mihricana çandî û hunerî ya Evdalê Zeynikê pêk hat.

Roja 17ê tebaxê li navenda Agirîyê, di hola konferansan ya Halk Egitim Merkezi (Navenda Perwerdeya Gel) de konsereke dengbêjan û sempozyumek hat pêskêskirin. Di sempozyomê de Prof. Qadir Yildirim, Zeynel Abidîn Zinar, M. Xalid Sadini, Haluk Öztürk, parlamenterê Agirî yê berê Hanifi Alir û Dr. Ömer Ulucay besdar bûn. Di nav mêvanan de parlamenterên Agiriyê yên kevn û nû, waliyê Agiriyê û hejmareke bilind guhdar besdar bûn.

Di destpêka bernameyê de, serokê komeleya amadekar a mîhrîcanê (AKYAD) Mehmet Îzcî xêrhatin da mêvanan û gotarek xwend. Dûra dengbêja jin ya gelek hezkirî Havîn”ê bi dengê xweyê xwes wek hunermendeke operayê, bi gotina strana “Sebabê” konser da destpêkirin. Lêkolîner û nivîskar Ahmet Aras digel çar dengbêjan li ser dikê ciyê xwe girtin û dengbêjan dor bi dor stranên Evdalê zeynikê stran. Berî gotina her stranekê Ahmet Aras derbarî stranê de agahdarî dan.

Di civînê de, parlamenterên Agirîyê û Waliyê Agirîyê jî axafîn. Di vê navberê de silavname û pîroznameyên sandî jî hatin xwendin. Di nav wan de silavnameya Kemal Burkay jî hebû. Pistî konserê sempozyuma “Di çanda kurdî de zargotin û dengbêjî” destpêkir. Li vir behsa hunera dengbêjiyê, rola Evdalê Zeynikê û giringiya bîranîna vî dengbêjê navdar, parastina hunera dengbêjiyê û çêkirina mîhrîcanan hat kirin. Pistî xilasbûna sempozyumê dor hat pirs û bersivan. Li ser ciyê gora Evdalê Zeynikê pirsek hat kirin. Sahidan tekez kirin ku gora Evdal li gundê Melehesen e. Pirseke din jî ew bû; gelo daxwazkirina ku ji dengbêjan re mias bê girêdan wê bas be an na? Bersiva vê pirsê ji alî prof. Qadir Yildirim ve hat dayîn. Yildirim got; “ne hewce ye, bila kurd berê bibin xwediyê statuyekê, pasê gelê kurd wê bi xwe bikanibe dengbêjên xwe xwedî bike.”

Bernameya mîhrîcanê bi konsereke derveyî berdewam kir. Li meydana parka nû, hunermendê ciwan Destan, Havîn û yên din, di rêvebiriya Mehdî Mutlu de konsereke xwes pêskêsî gelê Agirîyê kirin.

Roja duwemîn ya mîhrîcanê bi konsera dengbêjan û bi sempozyumê li qeza Agirî Patnosê dewam kir. Di eynî rojê de li gundê Melehesen gora Evdalê Zeynikê bi sêweyekî nû hat tekûzkirin. Li vir dengbêjên Agiriyê yên navdar wek Dengbêj Memo, Dengbêj Cesîm û Dengbêj Silheddîn digel cimaetekê amade bûn. Dengbêjan stranên Evdalê Zeynikê gotin. Meleyan tevî cimaetê ji ruhê evdal ra dua xwendin, helbestên stranên Evdal hatin xwendin.

Dengê Kurdistan