Ji bo pistgirîya Kurdistanê li ber parlamentoya Swêdê xwepêsandanek çêbû

Dengê Kurdistan – STOCKHOLM-17.08.2014/ LI Stockholmê xwepêsandaneke pistgirîyê ji bo serê Kurdistanê li dijî êrisên Dewleta îslamî (DAÎS) û parastina kurdên ezîdî û xiristiyanên Kurdistanê çêbû. Di manîfestasyona li ber parlamentoya Swêdê de gelek kurd, asûrî û dostên wan amade bûn. Fredrik Malm Serokê Civata Swêd-Kurdistan di parlamentoya Swêdê de, Özz Nûjen (hunermendê kurd ê navdar), Birgitta Ohlsson (Wezîra Yekîtîya Ewropa), Åsa Romson (Berdevka partîya keskan MP), Sissela Nordling Blanco (Berdevka partiya femînîst FI), siyasetmedar Îsmail Kamil, Kurdo Baksi, Yekîtîya Doktorên Kurd, Yekîtîya Jinên Kurd, Komîteya Hevkarî, Yekitiya Êzdîyan, Komeleya Asûrîyan û Jakob Johnsson ji partiya Çep a swêdî gotar xwendin.

Di hemû gotaran de daxwaz ji hukumeta Swêd hat kirin ku di serê dijî hovîtî û wehseta dewleta Îslamî de alîkarîyê bidin Kurdistanê, û pêwîstîya pêsmergeyên Kurdistanê bi çekan heye. Eger Cîhana Rojava û herweha Swëd jî bi rastî dixwaze pêsî li ber qetlîaman bê girtin, divê çekan ji Kurdistanê re bisînin.

Xwepêsandan ji alî Federasyona Komeleyên Kurdistanê û Komîteya Hevkarî ve hatibû amadekirin.

Dengê Kurdistan