PDKÎ dê daxwaz ji parlementoya Ewropayê bike dosyeya terorkirina Qasimlo dîsa aktîf bike

Komek senatorên Amerîkî jî pistevaniya wê yekê dikin

BasNews ‘ Berpirsê komîteya bibîranîna salvegera sehîdkirina serokê berê yê PDKÎ Dr. Ebdulrehman Qasimlo ragihand, ewê li ber parlementoya Ewropa kom bibin û daxwaz bikin dosyeya terorkirina Qasimlo dîsa aktîf bibe.

Aktîvîstê siyasî û berpirsê komîteya bibîranîna salvegera sehîdkirina Dr. Qasiml0, Kameran Resûlî ji BasNewsê re got, îro bi hezaran kurd ji hemû perçeyên Kurdistanê, rewsenbîr, hunermend û siyasetmedarên kurd, biyanî û Îranî dê li ber avahiya parlementoya Ewropa li bajarê Brûkselê kom bibin û terorîzma rêjîma îslamî ya Îranê sermezar bikin.

Kameran Resûlî her wiha got, armanca me ya serekî ji lidarxistina vê xwepêsandanê ew e ku dosyaya sehîd Qasimlo dîsa aktîf bibe û ewên ku destê wan di terora Qasimlo de hebûye, bên dadgehîkirin û cezakirin.
Wî aktîvîstî da zanîn, ewê saet 11:00 bi dema Ewropa ji navenda bajarê Brûkselê bimesin û li ber avahiya parlementoya Ewropa kom bibin. Ew çalakî û merasim dê bi stran, peyamên siyasî û gotaran dest pê bike û hetanî saet 14:30 bidome.

Berpirsê komîteya bibîranîna salvegera sehîdkirina Qasimlo anî ziman ku sandeka PDKÎ jî dê bi rayedarên parlementoya Ewropa re hevdîtin bikin û bi fermî daxwaz ji wan bikin dosyeya terorkirina Qasimlo aktîf bikin. Pistî xilasbûna çalakiya ber parlementoyê, dê konferansek jî were lidarxistin ku tê de derdora hezar kes besdar dibin. Rewsenbîrên kurd, biyanî û Îranî dê peyvên xwe pêskês bikin, çend senatorên Amerîkî jî dê bi rêka vîdeoyê peyamên xwe bisînin konferansê.

Serokê berê yê PDKÎ, Ebdulrehman Qasiml0 roja 13 Tîrmeha sala 1987 li paytexta Austriya, Viyenna, dema bi sandeka Îranî re di nav diyalogê de bû, ligel du hevalên xwe, ji aliyê pasdarên Îranê ve hatin sehîdkirin.

Dewleta Viyennayê, bi behaneya ku belgeyên pêwîst nînin, ew kesên ku ew êrisa pêk anîbûn, teslîmî Îranê kir û bi vî rengî dosyeya sehîdkirina Qasimlo û hevalên wî hat girtin!

Dengê Kurdistan