JI BO ÇI MISTEFA SELÎMÎ TESLÎMÎ ÎRANÊ KIRIN?
Bi rojan e di medyayê da tê nivîsandin: Siyasetmedarê Kurd Mistafa Selîmî, ji hepsa rejîma xûnxwar ya Îranê reviya bû û xwe avêtîbû Kurdistana Basûr. Selîmî pêsmergeyekî Kurdên Rojhilat bû, her usa jî nivîskar bû. 17 sal di hepsa Iranê da ma bû û vê dawîyê ji hepsê reviya bû.
Lê li Pencwînê, asayîsa Yekitî Nistimanî Kurdistan ew girt û cardin teslîmî Iranê kir. Îranê jî di dest da ew kust.
Bi rastî di despêkê da ez li himber van nûçeyan ketim sikê. Min got ‘gelo ev tist rast e? Çawa Kurdên me bi destê xwe soresgerekî Kurd teslîmî vê rejîma xûnxwar dikin?’
Lê xuya ye, xeber rast e. Gelek çavkaniyên ku meriv pê bawer dike vê bûyerê tekît dikin. Hîzbî Demokratî Kurdistan bi beyanekê berpirsiyarên vê bûyerê rexne kir. Gor hin xeberên teze, Hukumeta Herêma Kurdistanê biryar girtiye ku lê bikole, gelo ev tist çawa qewimiye û berpirsiyar kî ne?
Vê bûyerê, dile hemû welatparêzên Kurd sot. Gelo ew tist çawa dibe?
Me zanibû ku li Basûr hin cîhet, hin rexistinên siyasî bi Îranê ra didin distînin û serê wan li ber Îranê tim xar e… Wana, sê sal berê jî çawa Kerkûk teslîmî hêzên Iraq û Îranê kirin, me ew jî dît. Lê ewqas bê vîcdanî jî nabe. Di adet û toreyê Kurdan da tune, kesê ku xwe avêtiye bextê wan, neyarê wan be jî ji mala xwe naqewirînin û wî diparêzin.
Pencwîn di bin destê asayisa Yekitî Nistimanî Kurdistan da ye û YNK divê bersîva vê pirsê bide: Çima ew bêbextî li Selîmî hat kirin?
Kemal Burkay
13 Nîsan, 2020
Dengê Kurdistan
