Kemal Burkay: Di çalakiyên PKKê de destê welatên herêmê heye

BasNews– Siyasetmedar û nivîskarê kurd Kemal Burkay diyar kir: ‘PKK ji dema ku derbasî Basûrê Kurdistanê bûye (1982), bi partiyên Basûr re, di serî de jî bi PDK û YNKê re kêseyên wê çêbûne, car caran li dijî wan ser kiriye. Ji wê dema ku li Basûrê Kurdistanê ewilî otonom û pistre jî rêveberiya federal çêbûye, dîsa car caran bi rêveberiyê re pevçûye û li hember Pêsmerge rû bi rû maye. Niha jî ev yek diqewime.’

Kemal Burkay li ser êrîsên PKKê yên li dijî Pêsmerge ji K24ê re axivî û diyar kir ku hinceteke rewa ya van êrîsan tune ye û got: ‘Ev herêm bi têkosîneke zor û zehmet a bi salan a Kurdên Basûr azad bû. Bêyî destûra wan, mafê PKKê tune ye ku li wê derê bimîne. Ji ber kêseyên cidî yên ku PKKê derdixe holê, reftara wan a li hember rêveberiya Herêmê û ziyanên ku dide xelkê Herêmê, bûye demeke dirêj rêveberiya Herêmê hebûna PKKê ya li wê derê naxwaze.’

Siyasetmedarê Kurd destnîsan dike ku îradeya azad a PKKê ku çalakiyên xwe pêk bîne, tune ye û got: ‘PKK di salên 1970an de, li Tirkiyê li hember tevgera netewî ya Kurdan a astîxwaz, li hember hêzên çepgir û demokrasiyê, weke rêxistineke paravan ku xwe weke çepgir nîsan dide, bi awayê rêxistineke kontrgerîla hat pêkanîn. Di salên destpêkê de ji aliyê MÎTê ve hat birêvebirin. Pistre, Ocalan derbasî Sûriyê bû û Sûriye, Îran û hinekên din ketin dewrê. Di nav PKKê de gelek dest hene, rêxistineke taseron e ku ji bo gelek welatên herêmê û car caran ji bo welatên weke Rûsya û Amerîkayê xizmetê dike. Ji ber vê yekê gelek zirar dane tevgera netewî ya Kurdan û hê jî zirarê dide. Bi gotineke din, ew ne rêxistineke wisa ye ku têkosîna azadiya gelê Kurd dike, berevajî vê, karê wê astengkirina vê têkosînê ye. Pistî ku Abdullah Ocalan hat girtin û teslîm bû, ew û berdevkên din ên rêxistin, gelek caran anîn ziman. Tevî wan, hinek berpirsên MÎTê û general jî…’

Kemal Burkay diyar dike ku PKK ji destpêkê ve hemû rêxistinên Kurdan weke dijmin dibîne û got: ‘Hemû gotinên wê û îdeolojiya wê sexte ne. Him zimanê çepgiriyê ku bi salan bi kar anî, him jî gotinên demokrasiyê ku hîn jî bi kar tîne, tenê maske ne. Binavkirina PKKê weke rêxistineke çepgir an jî demokrat, neheqiya herî mezin e li çepgirî û demokrasiyê. Ev tevgereke nexwes e ku li serê Kurdan bûye bela, an jî bi gotineke rasttir, kirine belayê serê Kurdan.’

“Ez di wê baweriyê de me ku destê Îranê tê de ye”

Kemal Burkay dibêje: ‘Di çalakiyên van demên dawî yê li dijî PDK û Pêsmerge de, him destê welatên herêmê heye, bi taybetî bandora Îranê û arastekirina wê, him jî hemû van xirabiyan li gor karakterê wê ye.’

Burkay destnîsan kir: ‘Reftarên PKKê yên van demên dawî yên li dijî Partiya Demokrat a Kurdistanê (PDK) ku Mesûd Barzanî serokê wî ye, ji ber rola Birêz Barzanî û partiya wî ye ku di tevgera netewî de bi biryar in û di rêveberiya Herêmê de xwedî roleke bi bandor in. Ez di wê baweriyê de me ku destê hinek aliyên malûm ku ji hebûna Herêma Kurdistanê aciz in, tê de ye, bi taybetî jî Îran.’

“Çi karê wan li Basûrê Kurdistanê heye?”

Siyasetmedar Kemal Burkay diyar dike: ‘PKK pistî ku Ocalan hat girtin û li Îmraliyê hate danîn, daxwazên xwe yên derbarê gelê Kurd de ku berê qaso dianîn ziman, terk kirin. Ew û rêxistinên legal ên alîgirên wê, ji bo gelê Kurd, otonomî û federasyon jî di nav de ti tistekî naxwazin. PKK û rêxistinên alîgirên wê, hatin ser rêya sîstema qedîm a Tirkiyê. Nexwe PKK çima çekên xwe bernade? Çima ciwanên Kurd ber bi mirinê ve diajo? Li sîstemeke federal a ku bi xwe, xwe birêve dibe, li Basûrê Kurdistanê çi karê wan heye? Li dijî rêveberiya Kurd a li basûr, çima û bi çi mafî çek bi kar tînin? Ev karê ku dikin bi kêrî kê tê?’

“Hebûna PKKê bi kêrî hêzên li dijî çareseriyê tê”

Burkay dibêje: ‘Hebûn û çalakiyên PKKê, bi kêrî rejîmên Îran, Sûriye û Bexdayê, bi kêrî hêzên mîlîtarîst ên Tirkiyê yên li dijî astî û çareseriyê tê. Tirkiye hebûna PKKê û çalakiyên wê yên li dijî Tirkiyê yên li ser sînor, her çi qas çalakiyên wê kêm bin jî, dike hincet û bi salan e li Herêma Kurdistanê operasyonan li dar dixe, deverê bombebaran dike, baregehan datîne. Ev rews, Basûr dixe bêîstiqrariyê; bi taybetî deverên sînorî ji xelkê sivîl vala dibin. Gelê Kurd û rêveberî gelek zirarên mezin dibînin. Ev yek bandora xwe ya neyînî li Bakur jî dike, çareseriya astiyane ya vê pirsê û nasîna mafên rewa yên gelê Kurd asteng dike.’

https://www.basnews.com

Dengê Kurdistan