“EZ NIZANA SE VAJΔ

EZ NIZANA SE VAJÎ

Embaz, ez zelwana Vêng tembûrê xozana Cueka ez zerr girana Ez nizana se vajî

Ez vêng zelê Marks’a Vêng bêytê bêkesana ez Zaclanê hêvîyana ez Ez nizana se vajî

Ez wayêr rayêr Xanî ya Xemil nêxs Manî ya Sairê di ez sê awê înî ya Ez nizana se vajî

Adir zerrê Cizîrî ya Tîjê torê Herîrî ya Ez pîrê xwid zî newi ya Ez nizana se vajî

Sê vêng sazê mi nikên Guês xwi nidon vaton mi ser Nîo zî nizon tepîya mendê mi Ez nizana se vajî

Ez Mûsa yê Hesar a Sima pîyerûn ra yers bîya La ez sima neskena Ez nizana se vajî

Semêd çinaya pîyerû nibên yow Eskêr xwi nikên zaf û xurt Çay eyî birc qonax belêk Ez nizana se vajî

Hes kot mîyan rezan engûr Vêrg kot mîyan birrê pês Hon xirab ra wirz ma bi lez Ez nizana se vajî

Nî çi esîr û baxir? Nîe beg û nîe zî mîr mênd Yi dusmen rî bî gizîr Ez nizana se vajî

Sêx bi cubê û bi çît Yin xwi dîn ra vist dûr Yi pîyerû bî mezelcî Ez nizana se vajî

Eyî xuêrt ko hema newi resay Eyîg hema pîzê daykê xwi dê Nîo zî pastê bayk xwi gên Ez nizana se vajî

Semêd sima ez na tembûr Wes cenena bi qêrîn Tor hêvî û waston xwi ya Ez nizana se vajî

Ni hesrêt ma haw zaf xueredo Mûsa, mi wi berd resna Tûr Îsa, mi wi zî kerd nûr Ez nizana se vajî

Ez mileta, ez merdim Se ra vîst nimend hin hov Tuexim erzena yega semêd sima ya Ez nizana se vajî

Semêd sima mi zaf çî verda Tay dîwan û tay nûstê Awê gual bîya zêyd Ez nizana se vajî

Senik vîyert wesar mi Bî zer pêl daron mi Yers bîya, kota dûr yarê mi Ez nizana se vajî

Sarri bû qir, bîya pûs Pêr mi sikîyay Qerekûs Ez nalena Merûs di Ez nizana se vajî

Bî leti yowbînan ra kot dûr Pîyerû eyî baz qerbelêk Kam waxt yi eskên bibî yow? Ez nizana se vajî

Zaf vaton qelewan kên Dusmên rî bên sê lîr zirac Sinî hon xirab di monên Ez nizana se vajî

Heyon na zerrê mi pirîyed Ez vaton xwi sist nikena Kard ameya resaya estî ser Ez nizana se vajî

Sima wendê, zanayê lac kurdan Ma yowbîn rî zigurt mênd Hin bês inî kul, xêm û dêrd Ez nizana se vajî

Pîyerû dêst yowbînan bigên Xebat bikên ruej û sow Ez zerre ra vana, fekvra nîe Ez nizana se vajî

Sê yowbînanê inî û eyî Sima gues zûron ser menên Milet hisyar bîya hon xirab ra Ez nizana se vajî

Têyna milet eskena Wes xwi pastik inî bar Pîya tepisên inî bênd Ez nizana se vajî

Sima wanên qay çinaya? Qay nivînên her ca di Cîhan verbo rindê sen Ez nizana se vajî

Dusmen haw her ca û rîyeç do Wayêr tang û wayêr tuap Yi ma kênî qope- qop Ez nizana se vajî

Sima nivînên dusmenan xwi Herçî sima yin berd werd Mêzg mi bi sûr Ez nizana se vajî

Se serr a bindeston dê Tu daw dusmên text û mal Caverdên rîyeçê kal û pîyon Ez nizana se vajî

Kal û pîyê ma nezan Pês xwi veradaw bîe sonî Xanî bûbû zelwan Ez nizana se vajî

Ez nîe xana, nîe zî Xanî Nîe Zerdest, nîe zî Manî Xwi rî kerd bargiranî Ez nizana se vajî

Nîe gernas a, nîe zî egîd Ez Sêxmûs a, bîe murîd La ez zerre ra birîndara Ez nizana se vajî

Saîrêd ez çi merda Zerre ra bi kul û derda Guêynê sehîdê kurda Ez nizana se vajî

Ez hesir çiman way û mayona Ez axîn û hesretê sêwîyana Ez dêrd cînîya vîey ya Ez nizana se vajî

Ez hêvîyê mehkûman Dêj zerrê vêsanan Towê sêrd yê lasê bîe wayerona Ez nizana se vajî

Ez dûn û dixanê napal a Guêynê sînê delal a Hawara ez, nale nala Ez nizana se vajî

Ez vêng inî neçaran Kota mîyan nî sax û zinaran Ez aw bênd sêpîyana Ez nizana se vajî

Heq bi zuarê di cuyen Ez zerre ra vona heskerdison Çi kuen tu dest ini bermayis ra? Ez nizana se vajî

Keko, ez Cegerxwîn a Zerri bi kul û birîna Nî ayetan wanena Ez nizana se vajî

Mi ina hebestê Cegerxwîn, Ronak ‘ Dîwan çaran, wesanên Deng ra açarna Zazakî ser.
(Rûpel; 304 ‘ 309 )

Suphi Aydin