MIJ Û DÛMAN
MIJ Û DÛMAN
Mij, pûs û dûmano
Sêr sarrê tu Kurdîstan
Pûk,vor û varono
Vêr bêrî tu Kurdîstan
Na feleka rind û delal
Zafinir bîya milk û mal
Hesret, axîn û xeyal
Bîya barê tu Kurdîstan
Welat rez, baxçi û gulîstan
Hole holê mî û pesan
Ey zerîyên rî kezan
Wêran kerdo Kurdîstan
Zeman û waxt amê sî
Qehir û xezêb vîyêrt sî
Agehdar û dîrokvan amê sî
Hesretê tu yin nidî Kurdîstan
Kurdo rueja xêr vêjîya ya ti bizon
Serbestê xwi ti tim bîya zon
Dinya alem wa pîyerû pê bizon
Serfîraz û serbest bikên Kurdîstan
Besa Simko zaf mevaci
Kurdîstan hin amo revaci
Dinya alem heq dona ci
Azad bikên hin Kurdîstan
KUÊY BÊRZ
Nî kuêy ma yî kuêyî bêrzî
Zimag di sûng, kas di ribêsî
Înê Goran xwi serasêrî
Ruenist bêrî barê pêsî
Rengê gulan Xelefî xemilnaya
Kela verbo ci di reng a daya
Kale kalê varon û mîyon ma ya
Hokînê varwon û sonon ma ya
Hesareka xwi rî vorbeleka
Verboci Qereguêl Kurr û Meydaneka
Asman wesar guel hezeka
Ez hesretê na feleka
Meydanek meydan astuaron
Bi mes û vazd bêz kehîlon
Kueçêr amê sêyr û dîlon
Guret xuêrt û kêynon dîlon
Çahlê Gendar sevînê mîyan
Vêng zelê Hes Mûs kota nî kuêy û dewan
Fecîr di Kurrij vêjîyay sêr inî banan
Xuêrt û kêynan guret guvend û dîlan
Na elbikê nî kuêyona
Misk û ember ko xwi rî reng dona
Buêyê gul, sosin û reyhana
Hesretê xuêrt û yê inî kêynana
Çimê awê Sayyer zelal veng don
Çimê awê Gird Pîl xuerêyê xwi di von
Awê Mergê sêynan suerêt înan
Awê înê Xatûn sîfayê xwi don
Qiringuel û merga hêsîn
Merga Çeqer renga villîn
Mergê sêynan awa sîrîn
Awê inî înan aw a vorîn
Warê ma yî warê waran
Kuem, çadir, çît û xêman
Pes û sonî ko, inî varwan
Xulxul û xusexusê inî meskan
Zelê sonî ko veng dona
Bi zon xwi di qeyde ra vona
Vêng zel birr pês xwi ser di ona
Lûrlûrika û hîkmet girona
Inî warê ma qay hend rindî
Kuêy û banî xwir gul û vil bî
Çira ma yin ra hend dûr mêndî
Bîe welat, kuêy û waran mêndî
Waxtog ma dî warê ma bî
Çît, xêm û kuêm ma bî
soni, varwan û bêrî ma bî
suerêt yellan warê ma bî
Ez Simkoyê Sercanija
Hesrêt kuêyî bêrz û qija
suerêt sahîyê waran rijîya
Ini ruej sîya ma ser di vêjîya
DEM Û DEWRAN
Dem û dewran ina dinya
Inî hal ma sêyrko bivîn
Sê dolavan xwi rî tadîyena
Pê çimon ma ya sêrko bivîn
Welat ser di ser kar kerdî
Dow û bajar xirab kerdî
Parçe, parçe, letê kerdî
Çeher heton ma sêyrko bivîn
Veng haw yenû vêngî teyran
Jehr kîmya kerd mîyan horo giran
Tutêk kistî ey bîe dînan
Halepçe ya seyrko bivîn
Xurû gurê inî teyaran
Hîris çehêr xuêrt kist tor qatiran
Qatil bû von pîyerû dûrgelan
Hal Roboskî seyrko bivîn
Çira ameya ez ina dinya
Dinya kerda gualê guêyna
Bîya qederê Kobanîya
sengal a rengîn seyrko bivîn
Gimgim, Silopî û Siliwan
Amed, Nûsaybîn û Cizîrê Botan
Pîyerû meskên nebî û ewlîyan
Kerdû wêran seyrko bivîn
Simko ti xwir zerre ra vacir
Welat kerd veng pîyer bî macîr
Gueson ra bî kerr ez kamir vacîr
Kurdîstan kerd xirabi seyrko bivîn
Suphi Aydin
Suphi Aydin