WELAT RA DÛR
Welat sê her waxt mi ra dûr
Rayêr guretê semêd jon Corona ya
Her ca bîe veng û sar tersen mêrg ra
Kar, guri, qezenc birîya nîo zî bi kêm
Herkes hilî ‘ bilî gon xwi bû!
Çow nesken kîyon xwi ra vêj teber
Nîe wayêr Napalm eskên xwi querêk
Û nîe zî zankoyê yin eskay xwiverbid
Na Corona se hezar ra zaf merdim kist Û
se mîlyon ra zîyêd merdim zî kêrd niwes
Giregir na dinya kot tengasê, vêng yin birîya
Nîe hukûm yin û nîe zî mal milk yin pere ken
Hukimdaron pê deston xwi ya herimna tabîat
Nikay zî ma pîyerû pîya don cilm zuardarê yin!
Seben ni hal xirab yê merdiman na dinya?
Bîe kar, gurî, mekteb, palkono nîben ko
Dest veng, ceb dirati, heskerdon xwi ra dûr
Xwi di helîyên, çilmisîyên pê hesretona merên ti
Çari gon na Corona û pîyerû niweson rî bîyer vînayis
Herb, cêrg, tang, top pîyerû waxt yin vîyert si
Rî na dinya rî yow dezgow newi û adalet lazim
Çond sê serra teq û req, Atom, Napalim pîyerdayis
Hin besa vindên wa merdim û tabîat binê nefes bîg
Heq bidên herkês, wa neheqê bîyer wedartis dinya ra
Merdim bîe welat, xebat, heskerdis û xûkerdis nibên
Bîe zon, kultur, deyr, guvend, saz, qelem û defter nibên
La bîe wirîyeameyis merdim merdimê ra vêjîyên bên har!
21.06.2020
MÎLÇIK
Peray ra ya halîn xwi ser ra
Yow ray ra sê vîryê varon wesar
Gulê zaliman ginay sînê yeyir
Û risnay guênê milçika delal
Halîn yey ko gilçê telî ser di virastib
Bi virt û vila, guêyna sûr di mend
Peray ra mîlçik, narid werid pêr xwi bêrd û ard
Û mil yey bi çot, yey ver di kot telî ser
Mîlçik wird lîng xwi tirtirnay bêrd ard
La nefês yey birîya kisîyey mîlçika delal
Gon da yey halîn xwi ser di
Telo zerr wisk û sarri gej sarrê xwi tepist
Raya verîn emir xwi di semêd kistis mîlçika kot xwiver
Teli nist rue û hesir çiman xwi risnay qay mîlçikê ma ya!
09.03.2004
Suphi Aydin