Sipî, res, fisteqî, zer û hemû rengên din

Bawerê Omerî

Ji destpêka damezirandina partiya demoqrat pêsverûya Kurd li Sûriyê û heya vê kêlîkê, rejîma Elba,is li Sam û Iraqê, rejîmên Tirk û Îran yên older û regezperest bi alîkariya nehez û neqenc û nokeran û bi zanebûneke pir hûr û kûr serê helwest û tekoser û xebatkarên wê dikirin.

Hinekan bi pere û hinek bê pere.

Hinek ji wan bi dû wê propagandaya rojane de, ya ku li dijî vê partiyê dikirin, bûn xwedî mal û avahî û zêr û zeviyan.

Çi gava bûyerek û guhertinek li Kurdistanê û Sûriyê û rojhilata navîn çêbibûya. Ew bazirganên xwefiros û bazirganên bê pere sixurî ji wan rejîman re dikirin, timî li benda nerî û helwesta partiya pêsverû radiwestiyan, bê ka wê çi li ser wan bûyeran bibêje.

Pist partiyê nerîn û helwesta xwe dida, ji nûve ew ên vesartî dadiketin nav kolanan û propagandaya rejîmê li dijî helwestên vê partiyê li nav milet belav dikirin.

Jixwe nerîn û helwestên partiyên din ji wan re ne pir giring bûn. Tenê yên partiya pêsverû zemîn di bin lingê wan û rejîmên wan de dihejand. Ji ber ku partiya pêsverû bi tena xwe lêvegereke kurdî bû di Kurdistana basûrê rojava (Kurdistana Sûriyê) de.

Dema berpirsên partiyeke kurdî li ser pêlavekê, çakêtekî pênûsekê, piskilêtekî û dolarekî ji hev perçe dibûn, herdu aliyan heftiyek heya mehekê di nav xwe bixwe de serê hevdû dikirin, û pasê ew ser radiwestandin û hevdû jibîr dikirin, û pevre heya rojek di jiyana wan de bimaya berê serê xwe didan partiya pêsverû û sekretêrê wê, û bi wî rengî û sêweyî kurdîtiya xwe di nav civaka kurdî de dikirin. Xwedêgiravî ew rêzanvan û welatparêz û bijarteyên Kurdan bûn.

Bi alîkariya partiya pêsverû, gelek serkeftin li ser astê Kurdistanê û Sûriyeyê bi dest Kurdan ketin.

Ji wan:

Pistgiriya hemû soresên li Kurdistanê.

Karên hevbes di nav partiyên Kurdistanî de. Danûstandin bi hêz û pêkhatiyên Sûriyeyê re li herêmên kurdî û Sama paytext.

Dûrkirina pirsa miletê Kurd ji tundrewî û gefdariyê.

Tekosîn û xebat bi rêyên astiyane di ber pirsa kurdî de.

Parastina hebûn û berjewendiya miletê Kurd li Kurdistana basûrê rojava û Sûriyeyê.

Jixwe di destpêka serê navxweyî de li Sûriyeyê, hemû tîr û berên dijbera Sûriyeyê (xwedêgiravî dijber bûn û xwediyê Sûriyeyê bûn) balî pirsa Kurd de dihatin avêtin. Di wê navê de bi alîkarî û serperistiya partiya pêsverû di 26.10.2011 a encûmena nistimanî ya Kurd li Sûriyeyê li Qamisloka paytext hate damezirandin.

Ji kêlîka pêsî ve ji damezirandinê, careke din ew ên vesartî di nav wê dezgehê de û rejîmê dest bi karên xwe yên berê kirin.

Di kêlîkekê de pirojeyên sovînî û kiryarên berpirsên rejîma Elba,is ya zordar û çeteyên wê li Sama paytext li dijî miletê Kurd ji bîr kiribûn.

Erkê wan tenê ew bû, ku serê helwesta sekretêrê partiya pêsverû mamoste Hemîdê Derwês û hevalên wî bikin.

Dawî bi alîkariya hêzên Kurdistanî û rejîma Tirkiyê û ya Elba,is li Samê û biraderên Musilmanan (Ixwan Elmusilimîn) li Tirkiyê û Sûriyeyê û nandoz û çeteyên wan, encûmena kurdî ji hev xistin.

Di wê demê de, ew ên vesartî mîna resekan careke din êrîs tanîn ser partiya pêsverû.

Carekê digotin:” Ew bi yekîtî nistimanî Kurdistan û rejîma Sûriyeyê re kar dike.” Careke din digotin:” Ew bûye endam di rêveberiya xweser de û bûne hevalbendên PYD û PKK ê û…. . Tevî ku di karê rêzanî de têkilî û hevalbendî bi hêzên navxweyî û herêmî û navdewletî re tistekî rewa ye ji bo parastina berjewendiya miletekî.

Yekî ji wan noker û nandozên pir nezan, yê ku sût û rût û malketî di nav tevgera Kurd de hat naskirin û seydayê Mistefayê Barzanî li ser wî weha digot:”Ew nokerê heft dewleta ye.” bibû rêber û siwarê tank û top û balafirêncengî yên rejîma Elba,is li Bexedad û Samê û Enqerê li dijî miletê Kurd. Vî nokerî ti zarav di ferhenga erebî de nehist ku li dijî partiya pêsverû û sekretêrê wê bi kar naniye. Pistî nexwesiyeke derûnî pêre derket û tepeserkirina dilê wî pir bilind bû û nexwesiya sekirê sor di xwîna wî de derket, û nema bas ber xwe didît.

Wî pehlewan û canbazî zaravek û propagandayeke herî dawî, yên ku mejiyê rejîma elba,is li Sam û Bexdayê û Biraderên Musilmanan li Enqerê afirandibûn belevdikir û digot, ku partiya pêsverû û sekertêrê wê têkiliyên wan bi Mosadê Israîlê re hene. Li vir nerîn û helwesta wî eynî nerîna partiya Elba,is li Bexdad û Samê ye, ku dibêjin, wê Kurd dewleta Isra,îlê ya dudoya ango “Kurdistan” li bakurê Iraqê û Sûriyeyê damezirînin.

Jixwe yekî ji qomûnistên Sûriyeyê weha li ser mamoste Hemîd digot:”Hemîd bi saloxgerên Emerikî re ango bi CIA re kar dike.”

Van bazirganan timî bi lez xwe di nav miletê Kurd de dihetikandin û bixwe jî zanîbûn, ku ew propagandayê ji dijminê miletê Kurd re dikin, û di eynî demê de berjewendiyên rejîma Iraq û Sûriyê û Tirkiyê û Eyranê û yên hinekên din diparastin..

Lê wan rêya çetetiyê û nandoziyê ji xwe re helbijartibûn. Jixwe ji wê rêkê pêve tistekî din bi destê wan nediket, ku pê xwe û malbatên xwe xwedîbikin û armanc û pilanên rejîmên dagirkerên Kurdistanê cîbicîh bikin.

Ligor baweriya olî, xuya ye li ser eniya wan nivîsiye, ku vî karê pîs bikin. Ligor yasaya xwezayê jî bextê wan timî res bû û li tahtê diqelibî.

Ji ber wê jî nikarin zû bi zû dev ji nokerî û çetetî û nandoziya xwe berdin.

Ew kesên digotin, partiya pêsverû hevalbendê yekîtî nîstimanî Kurdistan û rejîmê û PKK û PYD û rêveberiya xwes re û…. ya jî bûye hevalbendê partiya demoqrata Kurdistana basûr.

Ew bixwe bi dizî û di nîvê sevan de li Hewlêr û Duhokê diçûn bi PYD û PKK ê û rejîma Tirkiyê û Eyranê û Sûriyeyê re civîn û peyman bi wan re girê didan, û Kurdistana basûrê rojava (Kurdistana Sûriyê) nêvî bi nêvî li hev par dikirin.

Pistî imzekirina peymana di nav ENKS û PYD de tekez û xuya bû, ku xwediyên wan propagandayan çiqas nizm û nezan bûn.

Ji berê de Kurdan gotiye:”Giya di bin tehtan de namîne.” Wê rojek were û ew kesana mîna hinekan ji Sêx û Beg û Axayên Kurd di nav civatan de porê serê xwe biksînin û bi tepan li serê xwe bidin û posman bibin.

Wê mîna wan li nav civat û odeyên Kurdan rûnên û posmanî û gunehê xwe eskere bikin û bêjin:”Me gelek guneh û wêranî di derbarê tekoser û xebatkarên milet û welatê xwe de kiriye. Gerek e xort û keçên Kurd me li Qamisloka paytext kolan bi kolan bigerînin û kî pêrgî me bibe, bela me di wê rewsa riswakirî de bibînin.” (Gelek ji wan posman bibûn û lêbûrîna xwe jî ji hevalên partiya pêsverû xwestine)

Ew kesên di vê sedsala bîst û yekê de nikarin bi çavên serê xwe heya regan jî ji hev nas bikin. Hêjaye ku ewana çend demjimêr û rojan li ser destê kurê hevalekî min, yê ku temenê wî yek sal e, fêrî çend waneyên rengan bibin.

Ji bo ji îroj û pêde karibin rengê sipî, res, fisteqî, zer û hemû rengên din ji hev nas bikin.

Bawere-Omeri@hotmail.com

23.10.2020

Bawerê Omerî