XEBERÊ MÊRG

Yow mîlçik esta Erzîngan di
la per û baskon yey di sîyem çîn.
Sî û tepîya namê heskerdeyê mi
hin ini guredi yow mereq nimend.
Kuêyo, kuêyo, hero kuêyo…
Guret mîyan destan xwi sarrê xwi yo guêynin
mîyan vor di Erzîngan bermen…
Wi meberm, kam biberm…

Vor varena pelûl ‘ pelûl
rueja xezeba ya vîyerena sena…
Rîyez bî rakotê merdê ko past ser kot bî
ben sond yi herûndê xwi ra tîyenigêrên
hin neskên yi adir xwi tafîn…

Fecîr ben zelal, ruej ben berz
yin ra ço niwirzen nisên vêr înê aw.
pê sarrê xwi yê pelixnayîya merdî
rakotê yi resay hon xwi yê ebedîya…

Kerreya sipî ra veng dona nîyemê sowo
seatê qislî dona pirîye dido ya.
Qay hend kêm waxt di qêdîya heyat.
Yin ra tay kês hema hêst asmê bî,
tay kês zî êxtîyar,
tay kês zî hîrîyes, çardîyes serri bî,
tay kês zî xwi rî rêwan bî,
tay kês zî babêk yow xebera xêr bî,
rîyez bî rakotê merdê ko past ser kot bî…

Meskan yin di rûen bi nivirazîya,
neskay yi pêynîr xwi yo sipî bîk parzûnan,
hesret ra sî merdî,
yin na dinya di mirdê xwi nicuyey…

Hon ra niwirist wi û niremay,
neskay bibî yow mîlçik û bifir,
çahl amê kendis ço bin nikuen.
Estuar Erzîngan rehwan, la çi heyfo ko
neskên estuaron wenis merdî
rîyez bî rakotê merdê ko past ser kot bî…

…………………………………………………..

mal mi çîn ko ez bidî,
mi zî zerrê xwi ra da.

1940

Wendox zon ma yê delal, helbesta cuwarîn yê Nazim Hîkmet a û mi açarnaya zazakî ser. Nazim Hîkmet ina sîîrê xwi serrê 1940 di semêd bûmlêrz bajar Erzîngan a nûsta û hal sar welat ma ko ruejê 27 . 12. 1939 di mêrd on vêr çiman ma. Serrê 1939 di yow bûmlêrza ‘ zelzelo zaf xedar bajar Erzîngan û duarmalê yi di bû. Pê welçegê Rîchter a, quwêt pelê bûmlêrz 7,2 bû û hîris di hezar û nowsê sest di merdim mêrd û hendê se hezar zî bî birîndar. Ina bûmlêrz sow seat dide di bîya û vîst km xuerêyê di erd lêrzîyaw. Mi wast pê ina helbesta eyî merdim sar welat ma ko ina bûmlêrz di mêrd bîyar sima vîr.

Suphi Aydin