PSK
Ev sîh sal in ku ala azadiyê hilgirtiye, di rêyeke bi şan û şeref de, bê westan dimeşe.

Wê bi raman, xebat û cehda xwe ya van sîh salan de ji dost û dijminan re îsbat kiriye ku ew rêçeke siyasî ya bi îstikrar û welatperwer e li bakurê Kurdistanê.

Partiya Sosyalîst a Kurdistanê, di tevgera azadiya gelê kurd da xwediyê rola mêjî û ramanê ye, dûrbîn e, lewma ew bûye çekeka herî hêja di destê gelê me de. Di rojên herî reş û tarî de wek ronahiyeke hêvîdar û RÊBER li bakûrê Kurdistanê rêya rast nîşan daye. Li dijî maceraperestîyê û teslîmîyetê sekinîye, bi xebatên xwe yên li hundir û li dervayî welat di dîwarên kolonîyalîstan de qulên mezin vekirine.

Helbet hêza PSK têrê nekiriye ku gelê kurd zora dijminan bibe, lê ew ji meydana têkoşînê dûr neketiye, xwe şaş nekiriye, bê hêvî nebûye û îro jî li meydana cengê ye. Hela hê rêyeke dirêj li pêş gelê kurd û hêzên wê yên welatparêz heye. Di vê rêyê de barê PSK û rola PSK giran e. Pêwîstiya wê bi alîkarî, hevkarî û dostiya hemû kes û hêzên welatparêz heye.

Roja şemîyê li bajarê Almanyayê Duisburgê, bi şahiyeke navendî 30 saliyê PSKê tê pîrozkirin. Divê hemû kesên welatparêz piştgirî û dostiya xwe jê re nîşandin. Çi bi beşdarî, çi jî bi pîroznameyan.

Em silavê li têkoşîna bi şan û şeref ya 30 salên PSK dikin.

Di xebata wê ya pêşerojê de, jê re serkevtinê dixwazin.

- Bijî azadî, bimre koletî!

- Her tişt ji bo azadiya Kurdistanê!

-Bijî PSK!

Li ser navê komek heval û sempatîzanên PSK li Swêd
H.A.Kaya