Îro (28/08/04) li Stokholmê 58 saliya Partiya Demokrat a Kurdistanê bi şevahengekê hat pîrozkirin. Şevahengê, piştî rawestina bi deqîqeyeki ji bo rêzgirtina şehîdan dest pê kir, dûra gotarên siyasî û pîrozname hatin xwendin. Di nav vexwandiyan de Komîta HEVKARÎ, nûnerên partiyên siyasî, Nûnerê hukumeta Kurdistanê, seroka federasyona Komelên Kurdistanê digel rêvebirên din en federasyonê, sekreterê giştî yê PSK ê berê şair û nivîskar Kemal Burkay jî hebûn.

Li ser navê Komîta Hevkarî M.Emîn Reşîdî, nûnerê Hukumeta Kurdistanê ê Îskandînavya Taha Berwarî, seroka federasyonê Şermîn Bozarslan gotar xwendin. Hemûyan li ser xebata û têkoşeriya PDK ya 58 salên derbasbûyî, rola Barzaniyê nemir û pêşmergeyên qehreman ên Kurdistanê anîn zimên û li ser pêwîstiya parastina destkevtiyên milletê kurd li başûrê welêt sekinîn. Serokê komîta HEVKARÎ M.E. Reşîdî di axaftina xwe de pêwîstiya beşdariya bi yek lîsteyî di helbijartinan de destnîşankir û got bi taybetî yekbûna herdu hêzên sereke ango PDK û YNK wê di Iraqeke demokratîk de gelê kurd hêztir bike.

Piştî xwendina gotaran bernameyeke çandî bi stran û govend destpê kir. Koma Newroz ya KOMKAR- Swêd bi govendên hêla Diyarbekrê reng dan şevahengê. Hunermend Eyad, Fatê û Erdelan jî dê bi dengên xwe yên xweş nimûneyên muzîk û stranên kurdî pêşkêş kirin.