Celal Talabanî li Komcivîna Milletên Yekbûyî

Serokkomarê Iraqê birêz Celal Talabanî duh roja pêşemîyê (15 İlon 2005), li New Yorkê tevî Komcivîna Milletên Yekbûyî bû û axaft. Ji ber ku Erebî yek ji pênc zmanê resmî ye li Yekitîya Milletan, wî jî axaftina xwe qasî deh deqqe bi Erebî kir û li dawîyê piçek jî bi Kurdî axaft.

Birêz Talabanî di axaftina xwe da got, rejîma Saddam dîktatorîyeke xwînxwar bû, li gelên Iraqê pîr zulim kir, xelk qir kir, wek li Kurdistanê-Helepçê çekên kîmyewî bi kar anî. Ruxandina vê rejîmê bi destê Amêrîkê û hevpeymanan tiştekî gele baş bû ji bo xelkê Iraqê.

Talabanî got, ew cehd dikin Iraqeke demokrat, plûral û federal avabikin, ji vo bo vê yekê ji hemû dinyayê alîkarî xwest; her usa jî behsa hêzên terorîst û qetlîamên wan kir, ew wek hêzên tarî bi nav kir, ku hewl didin rê nedin vê guhartinê û xwîna masûman dirijînin.

Birêz Talabanî, di warê pêşveçûna demokratî, aborî û çandî da Kurdistana Başûr wek nimûne nîşan da û got ev serbilindîya me ye.

Dema Talabanî di civîna giştî da qise dikir, Xêro Xanim û  Wezîrê Derva ya Iraqê Hişyar Zîbarî jî di salonê da guhdarî dikirin.

Birêz Talabanî, her usa jî di navbera civînê da bi Serokê Rêxisitina Milletên Yekbûyî Kofî Annan ra rûnişt û li ser meseleyên Iraqê qise kirin. Digel vê, Talabanî bi serokên gelek devlet û welatan ra qisekir, ku ew jî tevî Civîna Giştî Bûbûn.